辣椒會

營業中

休息中

通常一個星期都會嚟食一日，呢度食晏有時好多人，有時又冇乜人，真係估佢唔到，所以為安全起見，最好嚟之前book定位，唔係就有排你等。最鍾意呢度既酸辣蝦湯，好味之餘又足料，不過湯底就好似稀左少少。另外直得一提係呢度既牛肉湯粉，我同同事次次嚟親都一定叫，鳳尾蝦都ok。概括而言，以食一餐晏來講，呢度算係灣仔區一個幾唔錯既選擇。至於貴唔貴就睇你點睇，有人會認為平日食個晏唔應該用多過三十蚊，不過如果比多少少錢，就可以舒舒服服唔駛同人迫餐飽又要搭枱又嘈喧巴閉，都不妨一試。