大家樂 (已結業)

行到有少少餓，想食野又唔想太飽，選擇黎左大家樂。叫左紅豆冰配西多士，再加五蚊要埋個雪菜肉絲米。好多人，啲西多賣哂，收銀話要等十分鐘到，ok啦，咁樣會新鮮炸起，仲好。終於有得食，西多真係熱喎，正，入面仲有花生醬，好味，要左練奶，我鍾意食奶多過糖膠。雪菜肉絲米都唔細兜，五蚊ok啦，味道都幾好，淡左少少。紅豆冰好甜，多豆，啲豆略硬，不過都收貨啦。下午茶廿幾蚊，其實都幾平吖，有個有冷氣嘅地方坐下，我覺得ok喎，都唔系其他人講得咁揾笨啫。