一粥麵 (利東商場二期)

營業中

休息中

遊完水都9點幾，見到一粥麵仲未關門就入去食，不過就好多野都已經賣哂，唯有隨便揀兩樣快食就算。揀左呢個上海排骨菜飯，仲有送多個肉燥豆豆。個飯都幾香，菜的份量比想像中多，重點係菜仲係綠色，唔似之前食過某快餐店的菜飯咁變枯黃色，入口偏濕潤。個排骨炸得幾好，入口外脆內軟，唯一唔好就係燶左少少，如果耍金黃色少少就更好喇。之後仲有個豬潤粥，唔知搞咩入口鹹到過火，同平時食個時完全唔同，唔知係粥底本身問題，定係落豬潤個時的調味重手左，食左1/3就食唔落，挑幾件豬潤食完就走。