一粥麵 (利東商場二期)

營業中

休息中

入面冇一樣嘢可以食得，諗唔到有咩中文字可以形容到入面嘅食物，利東邨有好多餐廳 千萬唔好食呢一間。叫左碟炒飯冇味好硬。 就連瘦肉粥都係冇味。 好後悔入咗去食 其他 一粥麵都唔係咁係呢一間最難食

皮蛋瘦肉粥，冇味道冇材料，炸兩油億味勁重，難食都冇得輸，廚房服務態度勁差，以前喺海怡地下啲味道還好可以，魚蛋粉麵都好難食，商場可以話最差食肆嘅一間，老闆真係留意吓食材及服務，有待改善！

開頭見到碗麵嘅時候覺得好奇怪，點解冇雲吞嘅，原來佢哋用咗傳統方法將雲吞全放係碗底，麵放碗面，原來咁樣麵口感更爽呢個咁傳統嘅雲吞麵做法已經買少見少到介紹下碗麵🍜雲吞材料係用三七肥瘦黃金比例100%丹麥嘅豬肉🐷佢哋將炸過既大地魚肉，磨成粉作雲吞調味料👍🏻所以每粒雲吞都食到大地魚既鮮味👍🏻而且每粒都係全人手，以傳統散尾雲吞包製，皮薄餡靚。🍜而湯底方面，佢哋以原條大地魚肉分層燒焗、再加入蝦殼、豬骨熬製3 小時，湯底金黃而清澈😍完全唔係味精湯，飲咗都唔會頸渴👍🏻湯底味道一入口有大地魚既烤魚鮮味，中間有蝦海鮮味，最後會有回甘的甜👍🏻好滿足😊

之前行經過一粥麵，但因為太晏，海南雞反賣晒。今次再經過，時間尚早，呢個飯終於現身。個海南雞飯有兩種，一個浄海南雞飯，一個拼埋肉餅嘅餐。咁我就是買有肉餅嗰個餐試埋. 肉餅嚟到嘅時候完全太熱，唔算太香，但食落口感都OK，有口感，咬到馬蹄粒粒。個雞比我想像中嘅好，食落肚呀，但雞味就唔算太重，放返嚟到嘅時候亦熱辣辣，抵讚，食到有椰香味OK，但味道層次唔算太豐富，我諗佢煮飯嘅時候少咗某些泰式配料. 另外佢佢有少少花生，呢個比我想像之中好，因為好多時，尤其是係啲屋村嘅餐廳，啲花生上到上枱嘅時候已經林晒，但呢間食落仲脆的。

終於放假喇，訓到自然醒，之後同阿爸去食個早餐，實在寫意。平時會去飲茶，今日食快餐店，食左一粥麵。黎到一粥麵，緊係要食粥，阿爸叫左荔灣艇仔粥配粟米腸粉 $39，粥即叫即整，新鮮熱辣，粥好綿，料好多，有蝦、魚、水魷等等。而粟米腸粉都唔錯。我就叫左蜜糖雞扒炒麵配健康烚蛋，熱咖啡 $27，呢個餐幾樣配搭都係我喜歡的，炒麵夠乾身，可惜唔夠熱，雞扒正正常常，最後先食個烚蛋，反而仲熱，驚喜，熱咖啡香濃。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

一粥麵，我都係第一次食。由於中午飯時間短，所以就近解決，呢間一粥麵就係附近。之前經常見到但未去試過，今次因爲見到網上話用WeChat pay 有優惠，所以決定一試。今次叫咗一個牛腩湯麵，無配餐飲。但唔算好抵食。等叫號，要等好耐麵未搞掂，唔知係人手不足定係因為即叫即整呢？但作為一間快餐性質嘅餐廳速度不太過關。大概等了有4-5分鐘，終於有了，麵嘅質地幾爽脆，蘿蔔清甜，牛腩都幾大塊，個湯略咸。但整體來說都可以了。

前日晏就午餐個墨魚片頭墨丸撈粗D餸全部凍嘅。下午茶個雞批就5入味，仲一陣雪味。不嬲幫襯開晚市都5差，但呢兩次真怕5咁再幫襯。同佢D同事講，諗住叫佢地注意下，好似當我想回水咁，望我一眼就算。

呢間一粥麵真係不知所謂到爆，閒日非繁忙時間食碗外賣至少都要等15分鐘，今日我已經等左20分鐘有多，原因話係師父要去攞雲吞！其實一向都好憎好憎食呢間餐廳，d服務真係差到不得了！！！！收銀會掛住玩電話，覆埋個msg先幫你落單！！個個員工都黑口黑面，我明快餐店唔應該要求甘高，但每次幫襯都好似受罪甘！！有一次埋去攞嘢食，阿姐唔小心倒左杯熱檸水落我隻腳到，全場望住，得一個阿姐比紙巾我抹，個d女服務員仲用奇怪眼光望住我，真係唔講以為我做錯事！！如果唔係選擇少，媽咪又鍾意，我係一定唔會幫襯！！真係好唔爭氣！！

今日路經利東村，見到巴士站旁的一粥麵，剛好午膳時間，我就二話不說走入去食我的最愛。。。揚州炒飯 一粥麵雖然主打粥、粉、麵，但我情有獨鍾，我每次（不是經常幫襯）去食都會叫揚州炒飯。一碟炒飯加杯熱奶茶都只是 $47，在百物騰貴的香港，這是超值的價錢。每枱枱面都放置調味架，適合不同口味的人士。奶茶夠濃夠滑但不夠熱，可惜！可惜！預早沖左，但碟飯又出唔切，攪到杯茶等到凍晒。到主角揚州炒飯，差左好多，有多處地方要改善。炒飯炒得過火，除了非常乾身外，直頭炒到硬。炒飯炒到一粒粒硬膠，慘過食飯焦。菜粒又太少，嚴重影響碟飯偏向太乾太硬。此外，炒飯犯了一個通病，就係廚房等幾張單先一次過炒，攪到食客要等了又等。等得耐，杯奶茶又出左，甘咪攪到一鑊粥。愛之深，責之切。予欲無言。

早幾日喺呢到完個早餐，叫咗魚柳炒蛋加麥皮，炒蛋味道普通，但魚柳就好滑，我只會喺一粥麵叫魚柳食。食完就順便買多個楊州炒飯走叉燒外賣(因為呢到d叉燒好多肥豬肉，好似豬油粒咁) 。旁邊有一班5人行嘅人問我張枱幾人，佢地想坐一個過嚟，我就叫佢地坐啦，我地就走。跟住一齊去買嘢食，然後返埋位等了又等。。。。等到過左30個號碼覺得有d唔對路就出去望下啦。喺最前嗰個餐盤見到自己個no. 同埋外賣膠袋，心諗即係冇漏單啦，咁就費事嘈啦。然後企咗喺自己no. 嘅餐盤前繼續等，再望下個時間已經過咗21-22分鐘。隔一陣有個職員要清理號碼牌d order﹐問個女經理係咪有個炒飯要走野架？個女經理竟然話：好似係走叉燒呀，不過隔咗咁耐應該都走咗㗎啦。然後個職員就撳走咗我個外賣no.﹐嗰刻真係激死我，我就大聲同女經理講：未走呀，等咗廿幾分鐘啦，5個字啦！！！嗰時女經理先call入廚房問個楊州炒飯走叉燒去咗邊呀。再過多2分鐘咗右個楊州炒飯終於出世啦。我拎埋外賣餐具返埋位嗰時，隔離嗰5個人已經食完走埋。。。。至於個炒飯，可能太趕，所以唔夠乾身，唔似係炒飯。至於衛生，因為唔夠清潔姐姐，所以好多客人食完走咗嘅餐盤仲未收，地下

好多時返工都會食快餐 大x樂 大快x 美x 都已經食到厭 今日經過呢間一粥麵唸都唔唸就衝左入去 其實之前都有食過 但都係普通茶餐選擇就比較少 今次再食一直去睇下有冇改善 除咗一般嘅茶餐 一粥麵專賣嘅粥雲吞麵腸粉等等 仲有呢個豬扒刈包 刈包其實我喺台灣已經食過 一直都好想再食 因為真係好好味 今次見到有就梗係要點啦 豬扒又燒汁上面加上花生碎 食落好香口 而且包皮有少少嘅甜味 又軟熟簡直絕配 上面有啲蔥花 減少油膩感 再配上火腿銀針粉 唔係度度食到 而且好滑又索曬啲湯 又有少少煙韌咁 好食 總括嚟講一粥麵嘅下午茶畀到我有驚喜 咁下次都會再黎試其他嘅特色茶餐

一家大細落街食早餐！見一粥麵幾多選擇！就食佢！ 點知.....中伏了。。。真心唔得！之前食過都覺得唔錯架！點解今次咁差嘅？南瓜排骨粥加豉油皇炒麵餐 $27南瓜排骨粥。比白粥有味啲啲！說好的南瓜呢？ 明明見到你架！但點解一啲味都無嘅？仲有⋯排骨是鞋口的😑我好少食剩野架！但呢碗。我食左幾啖咋！豉油皇炒麵！算最好！ 唔難食！咸蛋黃糉 $18淋到一個點！

遊完水都9點幾，見到一粥麵仲未關門就入去食，不過就好多野都已經賣哂，唯有隨便揀兩樣快食就算。揀左呢個上海排骨菜飯，仲有送多個肉燥豆豆。個飯都幾香，菜的份量比想像中多，重點係菜仲係綠色，唔似之前食過某快餐店的菜飯咁變枯黃色，入口偏濕潤。個排骨炸得幾好，入口外脆內軟，唯一唔好就係燶左少少，如果耍金黃色少少就更好喇。之後仲有個豬潤粥，唔知搞咩入口鹹到過火，同平時食個時完全唔同，唔知係粥底本身問題，定係落豬潤個時的調味重手左，食左1/3就食唔落，挑幾件豬潤食完就走。

行完山。醫醫肚先！皮蛋瘦肉粥配炒麵 $31碗粥都幾多皮蛋。炒麵無咩味！但份量都多。夠飽！豬潤粥 $30本身送油條。但店員話費時要我地等！比左碟炸両我地！咁係咪即刻賺左？炸両裡面油條仲脆脆地！豬潤有根比較難咬！

叫個雞扒鍋仔飯飯，等幾分鐘至話冇，轉個上海排骨菜飯飯，又要等多幾分鐘，平白浪費時間，如斯服務質素，簡直不知所謂。食物質素雖可接受，但份量只係僅僅夠。這間餐廳不會再光顧