福翁海鮮薈 (已結業)

係觀塘放工諗住同朋友食飯，天氣咁涼突然想打邊爐。觀塘咁多選擇，最後選左呢間，地點位於商業大廈，環境闊落，乾淨企理。佢係無限時自助任飲任食火鍋放題，有熟食 ,甜品,沙律，小食！最正附送鮑魚 ，日式刺身 ，龍蝦，海鮮，高質牛頸脊，大大粒至尊水餃。- 極級牛頸脊條紋分明 ，唔會好韌，夠腍，又厚厚一塊- 蝦滑新鮮，好爽口彈牙 - 佢附送既鮑魚龍蝦一d都唔失禮，鮑魚都幾大粒，唔會熟到韌，龍蝦好大隻，多肉多膏味道好正。刺身有幾款，甜蝦，北寄貝，帶子，希靈魚，鮑片，好新鮮，不過每樣可以加多幾塊。自助吧既疏菜種類 ，火鍋要食既腸仔 ，丸類都好多選擇。 雪糕又多款選擇。