竹里烏冬居酒屋 (置富都會) (已結業)

有日去紅館聽演唱會，聽之前梗係去食下好西先啦！入到都會見和民好多人排，反而對面一間叫「竹里」既就無咩人，就入去試下。入到去彷如置身日本，唔怪得介紹話係日本人開既！野食選擇就少Ｄ，所以就試下佢個套餐，都幾豐富，首先個刺身有三文魚、蝦、吞拿魚等，都新鮮大件！然後係個廣島蠔，幾鬆脆，加埋Ｄ檸檬汁係一級棒！仲有Ｄ伴菜都食得！佢仲有個豆腐，淋左Ｄ醬汁上去，好惹味！不得不提既係一開始佢拎左碟拌菜黎，一食原來係牛蒡！又有益又好食！至於杯野飲就一般，可能黎杯日本茶仲好！