影片
更多
2012-09-11
515 瀏覽
嚟紅磡食嘢，對我嚟講真喺近乎一個原因，出席喪禮，依晚於安息禮拜中送別一位好姊妹。紅磡火車站內有麥記、美心，但一齊去嘅朋友，未必個個啱，所以過咗對面國際都會商場個美食坊，可以各有各揀，食完落番去「世界大酒店」都方便。其實我都喺第一次嚟依個美食廣場，原來都幾大吓，除咗學生，仲有好多街坊幫襯。行咗一個圈，賣車仔麵嘅興隆似乎最抵食，晚市優惠套餐，六餸車仔麵，送油菜，包汽水或冷熱飲品，都喺賣$30咋，抵到開巷啦。粉麵選擇多籮籮：油麵、河粉、米粉、米線、烏冬、公仔麵（出前一丁）、幼麵、粗麵，而餸料多達30款，點都搵到啱食嘅。七餸粗麵原本喺六餸，但牛腩無乜剩，搭啲雞腎俾我。我嘅七餸有牛腩、牛筋、牛雜、蝦丸、蝦條、蘿白、雞腎，配粗麵，油菜喺小碗唐生菜，飲忌廉。佢啲餸料樣樣俾得碎濕濕，炸蝦條剪開幾截，蝦丸又切開一片片，不過堆埋一齊都成一大碗，唔怪得都算幾多學生幫襯。味道又如何？$30嘅價錢，小弟就覺得算唔錯喇，蘿蔔幾清甜，牛腩、牛筋夠入味，蝦丸、蝦條都喺來貨，其他中規中矩，我就收貨架喇，只喺湯底嫌佢味精重。除咗個六餸晚市優惠套餐外，我見佢入面仲有個掛牌，喺車仔麵餐ABC，分別兩餸、三餸、四餸，賣$23、
紅磡火車站內有麥記、美心，但一齊去嘅朋友，未必個個啱，所以過咗對面國際都會商場個美食坊，可以各有各揀，食完落番去「世界大酒店」都方便。
其實我都喺第一次嚟依個美食廣場，原來都幾大吓，除咗學生，仲有好多街坊幫襯。行咗一個圈，賣車仔麵嘅興隆似乎最抵食，晚市優惠套餐，六餸車仔麵，送油菜，包汽水或冷熱飲品，都喺賣$30咋，抵到開巷啦。粉麵選擇多籮籮：油麵、河粉、米粉、米線、烏冬、公仔麵（出前一丁）、幼麵、粗麵，而餸料多達30款，點都搵到啱食嘅。
七餸粗麵原本喺六餸，但牛腩無乜剩，搭啲雞腎俾我。我嘅七餸有牛腩、牛筋、牛雜、蝦丸、蝦條、蘿白、雞腎，配粗麵，油菜喺小碗唐生菜，飲忌廉。佢啲餸料樣樣俾得碎濕濕，炸蝦條剪開幾截，蝦丸又切開一片片，不過堆埋一齊都成一大碗，唔怪得都算幾多學生幫襯。味道又如何？$30嘅價錢，小弟就覺得算唔錯喇，蘿蔔幾清甜，牛腩、牛筋夠入味，蝦丸、蝦條都喺來貨，其他中規中矩，我就收貨架喇，只喺湯底嫌佢味精重。
除咗個六餸晚市優惠套餐外，我見佢入面仲有個掛牌，喺車仔麵餐ABC，分別兩餸、三餸、四餸，賣$23、$25、$27，無油菜，只可選一款普通粉麵（咁講可能唔包烏冬同公仔麵），送熱飲，凍飲或汽水都要加錢。明顯喺日頭有附近嘅寫字樓客同大批學生哥幫襯，一到夜晚客源相對少咗，要靠做優惠套餐吸位，要求唔高，但求趕時間食完快快走，$30又真喺非常吸引嘅！
張貼
