金海閣海鮮火鍋專門店 (已結業)

晚媽媽同豬頭人兩個跑到銅鑼灣，一心諗住去「火鍋本色」食火鍋，一早都知到依到人多少(全店共16桌)，所以都醒目預先BOOK左。大約11點到達，但係已經有2對人到等緊，甘咪唯有一路等…一路諗定食D咩囉！！望住菜單上各式各樣的海鮮，肚子不停發出咕嚕咕嚕的聲，豬頭人仲話餓到有暈添！足足等在成半個鐘，我地同個肚都等唔到LU…依個時候我地決定走。走去邊…去左去一條街有成3間店的「金海閣」，一坐低第一時間叫左個菊花茶同清湯湯底，湯底內有冬瓜、番茄、紅蘿白，清清地都唔錯。肥牛–牛味都算幾夠，但份量偏少，要叫兩碟先夠；象拔蚌–嘩！！真係鮮甜到不得了…一字記之曰「正」，宜家諗起到流口水；貴花蚌–清甜，抵食夾大件，比之前食的都平…唔會到喉唔到肺；鮮牛柏葉–不經人工漂白，但略「鞋口」；西洋菜–比小肥羊大碟一倍，好香菜味。