影片
更多
2018-12-26
1477 瀏覽
突然想食炸雞同石鍋飯，Open rice一下就搵到呢間香港大學站嘅韓式料理餐廳～除非open rice或住附近，如果唔係都唔會行過呢到發現有間炸雞店⋯⋯亦唔知係咪因爲啲人節日出哂人山人海嘅地方趁熱鬧，呢間店7.30晚餐時間竟然得一枱客？食物選擇都正常，價錢唔貴唔平。我哋唔算好肚餓，亦唔想淨係食雞，所以冇叫大大份嘅韓式炸雞，叫咗個今晚最想食嘅石鍋飯同一個炸雞小食，呢兩個組合係最抵。本身冇諗住寫食評所以冇影未食嘅相，我覺得石鍋飯最緊要係有飯焦，其他配料嘅味道當然都好重要，而我覺得呢間係做到我嘅要求。我食過完全冇飯焦嘅石鍋飯，亦食過飯焦太多多過啲飯每一啖都係飯焦嘅石鍋飯，而呢個就比例啱啱好，呢個天氣食到最後都仲熱辣辣！配料嘅味道都唔錯，蘿蔔絲切到每一條都好幼，每樣配料嘅份量都好平均。炸雞呢個價錢我覺得做到唔錯嘅性價比。呢個蜜糖醬油唔算好濃味，我睇相估到佢冇乜醬所以叫咗一個$12嘅醬黎點就岩岩好，果皮整得幾好食唔會太干，雞肉都幾滑有肉汁。如果食貴少少全隻雞個啲款應該會多醬，但係至少就咁都好食過KFC好多好多。呢個係韓式甜醬，不辣。卡位隔離幅牆幾特別，應該係比客人喺上面畫畫。我估佢平日係做大學生
除非open rice或住附近，如果唔係都唔會行過呢到發現有間炸雞店⋯⋯亦唔知係咪因爲啲人節日出哂人山人海嘅地方趁熱鬧，呢間店7.30晚餐時間竟然得一枱客？
食物選擇都正常，價錢唔貴唔平。
我哋唔算好肚餓，亦唔想淨係食雞，所以冇叫大大份嘅韓式炸雞，叫咗個今晚最想食嘅石鍋飯同一個炸雞小食，呢兩個組合係最抵。
本身冇諗住寫食評所以冇影未食嘅相，我覺得石鍋飯最緊要係有飯焦，其他配料嘅味道當然都好重要，而我覺得呢間係做到我嘅要求。
我食過完全冇飯焦嘅石鍋飯，亦食過飯焦太多多過啲飯每一啖都係飯焦嘅石鍋飯，而呢個就比例啱啱好，呢個天氣食到最後都仲熱辣辣！
配料嘅味道都唔錯，蘿蔔絲切到每一條都好幼，每樣配料嘅份量都好平均。
炸雞呢個價錢我覺得做到唔錯嘅性價比。
呢個蜜糖醬油唔算好濃味，我睇相估到佢冇乜醬所以叫咗一個$12嘅醬黎點就岩岩好，果皮整得幾好食唔會太干，雞肉都幾滑有肉汁。
如果食貴少少全隻雞個啲款應該會多醬，但係至少就咁都好食過KFC好多好多。
呢個係韓式甜醬，不辣。
卡位隔離幅牆幾特別，應該係比客人喺上面畫畫。
我估佢平日係做大學生生意，希望佢唔會因為太少客而做唔住，第日想近近地屋企附近搵韓國餐廳食都會返嚟，所以幫佢寫返個食評
加油啊！
Btw呢間淨係收現金。
張貼
