銀龍粉麵茶餐廳 (已結業)

又同牛爸食下午茶，見倒銀龍換左新餐牌，一於試下，見倒多左啲啱自己心水嘅種類，選擇亦多左，輕食例如黑松露炒蛋厚多士，雞中翼沙律等等，飽肚嘅好似粉麵飯都有，睇下睇下，好幾樣都啱心水，選擇困難症又發作，最後跟牛爸一樣食紫菜照燒汁牛扒意粉（走汁，個人喜好），熱斎啡，38大元，雖然唔算平，但個人觉得，品質更重要，牛扒算大塊，差不多有6寸長，半寸厚，食落鬆軟唔亁，調味恰到好處，意粉夠彈唔會黏口，斎啡就一般，冇乜咖啡香味。佢嘅座位都算舒適，又可以睇電視，環境亁淨，都算物有所值。