Italian Tomato Café (MOSTown新港城中心) (已搬遷) 新店位置

二月某日行到攰，想搵個地方坐低飲杯野hea陣，老麥經濟實惠啲，但又人多，於是就走左過黎呢間抖陣，飲杯野，食個輕tea。叫左個藍莓忌廉多士，真係好難食，去大x樂果啲食個茶餐西多士都無咁嬲。炸得太乾身，dry 得黎諗住點下cream啦，但啲cream 陣味又勁怪咁。上面幾粒藍莓又勁酸。成個多士都好難食。我同男友食左一半頂唔順放棄。建議俾楓糖或者朱古力醬，俾客人選擇。個面吱得太少朱古力醬，完全唔夠。應該係期間限定既栗子系列，叫左呢杯栗子牛奶，又係好失望。個面成吋泡之餘，栗子味又淡，但又mix 埋牛奶，成件事加埋感覺飲完會肚痛咁。一句講曬 好難飲。又係飲左半杯放棄。泡都佔左三份一杯，終於飲到液體果層，係淡而無味既假栗子味。失望。