影片
更多
2005-10-11
0 瀏覽
0尋晚七點幾行過,見唔駛等位,於是同同事入左呢度食晚飯.叫左個蟹子蟹肉蛋包飯,餃子雞翼,炸軟殼蟹天使麵,同埋特色甜品.呢度環境唔錯,坐得好舒服.侍應服務一般.先來蒜蓉飽,應該係叫套餐送0卦?!雖然只得兩件,但係外表好得意,係正立方形似粒大骰咁,味道好香好牛油蒜蓉味,幾好食!再來餃子雞翼,0係雞翼入面爙餃子0既肉餡,味道麻麻地.蟹子蟹肉蛋包飯就似荷葉飯,味道一般;炸軟殼蟹天使麵就聞落同食落都好大陣花生醬味,怪怪地咁.最後就係特色甜品,上到檯至發覺真係好特色重好"的骰"添,因為佢0既大細只係比一個五蚊銀大小小,但係放0係一隻大餐碟上,係唔係好特色呢!呢個基本上係咖啡Moose,下面有一層好薄既蛋糕,上面有片朱古力,一粒杏仁,一粒提子同埋一粒唔記得係乜0野.都幾好食.因為碟飯同碟麵份量都幾大,所以我地兩個人都食得好飽.其他餐價錢都唔貴,又唔使等位,所以我覺得都算係咁.
張貼