貴記荳品 (已結業)

又係放學同同學黎食。一入到去叫我地身水身汗即刻問我地係咪要凍豆漿!! 叫左個$13菜肉雲吞麵, 好多肉冇乜菜, d皮真係好薄, d麵好好咬口好鍾意!! d湯都好好味。嘩d窩貼勁大隻!! $3真係好抵, d皮真係幾厚, 有d乾乾地。食左同學既豆腐, 好好味, 入味得黎唔會好鹹。菜肉包又係勁大個, 但我凍左d先食覺得普通, 真係好多肉。豆漿都ok, 但我覺得對面豆漿王呀媽果d豆味濃d。serve我地既婆婆都好友善, 會問下我地學校係邊答下deh咁。overall我係覺得佢d麵好好咬加埋d湯好好食, 窩貼同豆漿都係對面王呀媽好味d。