影片
更多
2020-10-04
305 瀏覽
有個朋友話想清下腸胃，所以就提議一齊去試吓一間素食店，聽講嗰間店仲要係網紅店好多人去打卡，咁我哋就試吓啦！佢嘅裝修同一般嘅蔬菜店好唔同，你睇佢嘅外型完全唔覺得佢係食素菜嘅，而且色彩好鮮艷真係一個打卡嘅好地方！本身我哋想食嘅係佢個下午茶套餐，不過可能太早去啦所以暫時未有供應，咁就唯有試吓午市套餐。佢嘅午市套餐可以揀小菜，再加上一個主食同埋一碗湯，今次都算多人去食所以我哋每人揀咗兩款小菜，主食我自己就揀咗黑松露淮山麵，另外仲加錢叫咗個飲品。今日嘅湯係木瓜蘿蔔南北杏煲粟米，飲得出佢冇乜味精，同埋應該有用到一啲堅果去帶出味道，不過不失啦！至於飲品嗰度我就揀咗迷檬幽菊，但係呢部嘢真係扣分，因為我乜味都飲唔到，仲要另外加$25 㗎，所以真心有啲失望！好彩佢嘅小菜同埋個淮山麵有追番少少分，黑松露淮山麵我個人非常推介，黑松露味道十分之香，同淮山麵好夾，而且淮山麵嘅面質都好好，唔會話太過林或者太過硬，而且淮山麵營養價值好高，所以我自己係清晒㗎！另外小菜嗰度我都覺得唔錯，我個人比較推介佢嘅素琵琶豆腐，素琵琶豆腐嗰度佢造成一個漢堡扒嘅形狀，食落去唔會散開，就可能咁所以令你會有錯覺好似係食緊肉咁，而且佢嘅調味
佢嘅裝修同一般嘅蔬菜店好唔同，你睇佢嘅外型完全唔覺得佢係食素菜嘅，而且色彩好鮮艷真係一個打卡嘅好地方！本身我哋想食嘅係佢個下午茶套餐，不過可能太早去啦所以暫時未有供應，咁就唯有試吓午市套餐。
佢嘅午市套餐可以揀小菜，再加上一個主食同埋一碗湯，今次都算多人去食所以我哋每人揀咗兩款小菜，主食我自己就揀咗黑松露淮山麵，另外仲加錢叫咗個飲品。
今日嘅湯係木瓜蘿蔔南北杏煲粟米，飲得出佢冇乜味精，同埋應該有用到一啲堅果去帶出味道，不過不失啦！至於飲品嗰度我就揀咗迷檬幽菊，但係呢部嘢真係扣分，因為我乜味都飲唔到，仲要另外加$25 㗎，所以真心有啲失望！
好彩佢嘅小菜同埋個淮山麵有追番少少分，黑松露淮山麵我個人非常推介，黑松露味道十分之香，同淮山麵好夾，而且淮山麵嘅面質都好好，唔會話太過林或者太過硬，而且淮山麵營養價值好高，所以我自己係清晒㗎！
另外小菜嗰度我都覺得唔錯，我個人比較推介佢嘅素琵琶豆腐，素琵琶豆腐嗰度佢造成一個漢堡扒嘅形狀，食落去唔會散開，就可能咁所以令你會有錯覺好似係食緊肉咁，而且佢嘅調味料亦都唔會話太過重，口感都好清爽嘅，大家如果有興趣嘅話都可以試吓㗎！
張貼