極品火鍋 (已結業)

星期六同D火鍋黨黨員去佐敦搵食，走到王X火鍋個頭，比一個地下大電視吸引左，原來果頭開左間新火鍋，聽D黨員講以前都係火鍋店，我以前都沒留意到！我們即刻上網睇下食評，覺得OK便跟個知客走上去了，上到去個場幾有型幾有新派 FEEL !但可惜的是 D 房坐爆左，還好座位夠多可以放到手袋，慢慢睇下個點單紙(無餐牌)配料和湯底選擇都好多。但其實 D料同附近好幾間有名的都差不多啦，但D湯底"皇牌鍋"同水餃就真係幾好。另外服務就真係麻麻地喇，可能星期六啦！不過都不過不失喇，起碼唔會扮見你唔到先啦！佢地的檯面都幾大可以放到很多料後亦有空間！最後這次最值得一贊既就係個女廁裝修好靚好乾淨。重有個樂聲電廁板！ 事關廁所對我出外食飯時的選擇條件中來說，佔了很重要的部份，可能我有點怪啦！餐具方面亦看得出他們的心思！