台灣麵 (已結業)

因為黎開睇戲，早左到又未食晚飯，因為呢個商場選擇唔多, 覺得呢間係一個比較健康嘅選擇所以就馹左去。晚飯黎講都算平（可能因為商場位置偏僻），兩個人百幾蚊已經可以埋單。我地叫左牛肉面同豆腐滷肉飯， 包埋珍珠奶茶。牛肉麵味道OK，滷肉飯就真係麻麻，唔係台灣果種，係港化左嘅滷肉飯，似係蠔油豬肉碎飯，其實都食得入口嘅～珍珠奶茶味道OK，冇咩特別，冇咩complaint 。因為餐廳都幾大間，晚飯時間都有好多位，唔洗等。侍應都有禮貌，上菜速度都好快。不過，如果唔係黎開睇戲都應該唔會特登返嚟食，因為呢個商場真係有啲偏僻。