Kale

營業中

休息中

長假期食得太多肉，家下淨係想食菜。雖然今日都幾涼，有啲猶豫應唔應該食凍冰冰嘅沙律，好彩入到去發覺裏面好暖，啱曬～餐牌好多嘢揀，最終揀左個細吞拿魚+羽衣甘藍沙律+烤菜。吞拿魚個樣都幾靚，醃得幾好味，加埋上面啲芝蔴應該襯個飯。烤菜有啲失望，雖然有幾款菜但啲菜真係好生，好似只係淨係係咁咦燒過下咁。秋葵爽爽哋都可以，南瓜唔燒真係唔甜，茄子個味最奇怪，實在食唔落。羽衣甘藍沙律個牛油果醋加埋石榴食酸酸甜甜都幾好味，不過佢啲羽衣甘藍都算幾硬，相信唔係人人食到。見到幾多人叫個沙律搭2個mini burger, 個burger 仲熱嘅，個樣幾好。下次會試吓。我8點幾先黎都仲有幾多人入黎，睇黎佢都幾受歡迎。座位無得挨就唔太舒服但張檯真係好靚。