Oliver's Super Sandwiches (已結業)

今日去做完運動，想食啲清淡輕怡既食物，所以嚟咗Oliver's Super Sandwiches。好耐冇黎啦！原來依家點完餐會有一部機仔，將部機仔放返係枱上面個貼紙度，當食物準備好嘅時候，工作人員就會知道送去邊張枱，好神奇！一如以往，Oliver's既焗薯水準仍然非常好！吞拿魚嘅份量同焗薯差不多一比一，伴碟嘅凱撒沙律仍然係新鮮爽脆。男友點左公司三文治，工作人員送上來嘅時候，佢比三文治嘅份量嚇親。哈哈！Oliver's既三文治份量多到連一個肥佬都驚食唔晒。唯一有啲失望嘅係佢嘅周打魚湯，可能有啲草菇嘅關係，有我最唔鍾意嘅草青味，所以飲左一啖之後，成杯都比曬我男朋友飲。