影片
更多
2009-05-26
32 瀏覽
今晚出城嘅原因喺同太太慶祝我哋嘅結婚一週年紀念，本來喺想去較有名氣嘅餐廳，但懶懶閒嘅我到幾日前先打去訂位! 點知全部都Fully Booked (香港人真有錢)! 加上幾日前已經睇定天氣報告話會有大雨及雷暴，減少好多露天或行程較遠嘅選擇，今次pick咗 Oliva di Oliva就貪佢喺正港鐵站N出口，而且食評好似都唔錯。可能因為天雨關係，河內道街上人流唔多，店旁嘅幾間酒吧亦出奇地停播嗰D噪吵嘅音樂，街上最噪嘅好似得我哋兩個輪流為對方喺店門外影相。一入門口已經有兩個後生仔招呼我哋，衣著整齊乾淨，可惜兩個都喺著住白色波鞋，喺凝做有情調嘅燈光下加上坐低後嘅視線配合令兩對白波鞋特別顯眼! 不過，都要讚吓兩位全晚招呼週到(可能因為全晚只喺得兩枱客? 人多時亦要保持水準呀!)，而且好有禮貌。我心目中早已有想點嘅菜色，menu望咗兩眼，唔洗一分鍾已經點咗兩個頭盤頭兩個主菜，都喺最基本而且簡單嘅意大利菜色。先講個麵包籃，如之前食評所講有四款嘅麵包配一個好惹味嘅蒜蓉肉醬，麵包新鮮微暖。因為自己比較喜歡欖油黑醋，所以只喺試咗少少個醬，幾惹味。而唔鍾意食麵包嘅太太就因為碟醬食咗幾塊麵包，唔洗講都知個醬好
今晚出城嘅原因喺同太太慶祝我哋嘅結婚一週年紀念，本來喺想去較有名氣嘅餐廳，但懶懶閒嘅我到幾日前先打去訂位! 點知全部都Fully Booked (香港人真有錢)! 加上幾日前已經睇定天氣報告話會有大雨及雷暴，減少好多露天或行程較遠嘅選擇，今次pick咗 Oliva di Oliva就貪佢喺正港鐵站N出口，而且食評好似都唔錯。
可能因為天雨關係，河內道街上人流唔多，店旁嘅幾間酒吧亦出奇地停播嗰D噪吵嘅音樂，街上最噪嘅好似得我哋兩個輪流為對方喺店門外影相。
一入門口已經有兩個後生仔招呼我哋，衣著整齊乾淨，可惜兩個都喺著住白色波鞋，喺凝做有情調嘅燈光下加上坐低後嘅視線配合令兩對白波鞋特別顯眼! 不過，都要讚吓兩位全晚招呼週到(可能因為全晚只喺得兩枱客? 人多時亦要保持水準呀!)，而且好有禮貌。
我心目中早已有想點嘅菜色，menu望咗兩眼，唔洗一分鍾已經點咗兩個頭盤頭兩個主菜，都喺最基本而且簡單嘅意大利菜色。
先講個麵包籃，如之前食評所講有四款嘅麵包配一個好惹味嘅蒜蓉肉醬，麵包新鮮微暖。因為自己比較喜歡欖油黑醋，所以只喺試咗少少個醬，幾惹味。而唔鍾意食麵包嘅太太就因為碟醬食咗幾塊麵包，唔洗講都知個醬好味。
頭盤
巴馬火腿配無花果 一道簡單得不能再簡單嘅菜色，基本上呢道菜就喺用料嘅問題，收百幾蚊可能喺老細要將貨就價。雖然巴馬火腿近年喺香港無西班牙黑毛豬火腿咁出名，但喺巴馬火腿一樣咁有歷史，而且靚嘅火腿一樣有好長嘅after taste，餐廳用嘅火腿太新熟成度不足，無花果都喺生嘅一D甜味都無! 可能大廚為咗增加呢道菜嘅層次感，所以加上帕瑪遜芝士同欖油黑醋。如果係好嘢，簡簡單單火腿加好甜嘅蜜瓜/無花果已經足夠。
香草白酒煮蜆 基本上呢道唔喺意菜，所有出產貝類海產嘅近海國家都有類似嘅做法，而我喺外國食到嘅多數都喺用青口做而且喺藍青口(大家樂都有??)，藍青口當然喺法國北部海域嘅最出名，比手指公大少少嘅size又鮮又甜，煮青口做得最出色其中有英國嘅Belgo ，款式又多又好味 (香港有同名嘅喺用急凍大青口，小弟不能接受)。
呢道菜睇得出廚師嘅心思，喺香港如果要用新鮮嘅藍青口，收百幾蚊一定蝕本，用急凍貨又做唔到鮮嫩嘅效果，於是就改用本地街市都買到嘅大蜆。將大蜆煮到快將熟時放入一個類似以Le Creuset那種鑄鐵物料做嘅小鍋中上菜Keep住溫度，等客人食嘅時候繼續煮D蜆但嘅又唔過熟。不過廚師喺控制火喉方面真喺有D走火入魔，真喺煮到剛剛開口就已經上菜(睇圖)，個鍋本身又唔夠熱所以我浸咗D蜆好耐都無變熟，真喺好鮮嫩因為喺生嘅，而且重有沙添!! 廚師可能睇咗開飯嘅食評，酒味教淡咗但喺連其他嘅味道都淡埋，而D cream可能在最後關頭煮多一煮攪到開始有少少分離!! 呢道頭盤可算喺失敗之作!!
主菜
牛肝菌露筍意大利飯 同預期一樣一上枱已經聞到好香嘅牛肝菌香，露筍無煮得過熟仍然喺鮮甜爽脆，飯煮得剛剛好米心有應有嘅硬度(不是生米那種硬)，整體上喺滿意嘅。唔滿意嘅喺份量太少同太咸，當晚我喺特地叫咗支白酒嚟配合頭三個菜，可惜呢個飯太咸太搶打亂咗我嘅佈署!!
羊鞍 無得挑剔嘅一道菜，三塊厚厚嘅羊鞍有少少肥膏(可能真係睇咗食評後改用厚厚的三塊!)，外層嘅麵包糠烤得脆脆，羊肉好嫩好淋好juicy，配上roasted 紅椒、意大利青瓜、薯片、 茄子同大大條露筍跟個薄荷汁淡淡地唔會太搶，PERFECT。小插曲 - 太太話我明知佢怕「蘇」點叫重羊鞍?!! 我淨喺同佢講因為我想食囉!! 好彩D羊鞍得少少「蘇」味，而且我太太都食咗一塊半。
甜品
檸檬批配雪榚 喺當日嘅daily dessert，一個檸檬批配 Vanilla Ice-cream，檸檬批不會太甜太酸，我食咗一啖批之後食Ice-cream就覺得好甜，太太食咗Ice-cream後食批就覺得好酸。建議兩樣嘢唔好分開食，一凍一熱有冰火嘅感覺，正!!
餐廳好靜配合柔和嘅音樂，氣氛好好，可能因為無客嘅關係，八點半已經包場。侍應嘅服務好好，好細心。可惜食物水準有待改善，連基本菜色都做得唔好，好難俾到客人信心! 菜色上睇得出廚師喺有心機嘅，希望下次再臨時可以有更大嘅進步。 整體上我會俾佢合格嘅。
張貼
