ACOCake (已結業)

觀塘駱駝漆多野行又多餐廳，係觀塘友既假日好去處。呢一日，我去食完Shy Dance Cafe，食物水準認真麻麻，感覺好失落，好想食番樣好西去補償一下。行下行下，就去左ACOCake。店面真係好細，只容納到兩張小枱，店員好熱心咁介紹有咩雪糕，當日既選擇有抹茶同豆腐，選擇困難症發作，但覺得豆腐味始終特別d，所以就揀左後者。雪糕黎到，雪到硬過石頭，店員都叫我地先影相，影完應該就食得！雪糕本身，不甚了了，唔覺得滑，不過都算重豆腐味。我覺得旁邊的蝴蝶酥、焦糖果仁仲好味，而呢兩野，都可以響店內單獨購買。雪糕下面，仲有一層小蛋糕，不過感覺似嘉頓孖寶蛋糕，唔屬於我喜歡既軟綿綿類型。食完之後，同阿妹講番，佢回番我一句：其實你自己整都得啦。係喎，一球雪糕+蝴蝶酥+果仁+孖寶蛋糕，真係響屋企都整到！