十六座車仔麵 (已結業)

夜晚喺花墟打完波，同隊友都會食呢一間我哋嘅指定餐廳- 16座車仔麵。佢比起一般嘅車仔麵店配搭更多，而且有得揀乾撈或者湯麵。睇開我食評嘅人都知道我首選係蘿蔔，其次叫左金沙青同咖喱魷魚！配料真係超惹味，每一個餸菜都相當獨一無二！首先蘿蔔好入味（長期浸起牛腩湯入面），金沙青爽口彈牙，有少少似豬頸肉嘅感覺，咖喱魷魚同樣爽口，而且咖喱味重！今次揀咗麻辣乾撈，由於米線冇完全脫水，所以撈起上黎濕濕地，好鬼惹味！正不過價錢就相對地有少少貴啦，但味道係值既！