阿土麵線 (已結業)

上openrice美食網發現了很多人大讚「阿土麵線」好好味。他們都說能做到台灣士林的阿宗麵線的8成水準。我未去過台灣不知道原味是如何，只知幾個星期高據排行榜頭3位，見有空去旺角試一試。 $12標準碗包小小大腸、芫茜、麵線、醋，另外加$6有3粒柯仔，鬼咁大粒仲好肥好好味。小店還有任落的「辣蘿蔔」、「辣榨菜」、「辣菜脯」，我唔貪心落了一小匙而很夠辣，好彩有網友提醒好辣唔好落太多。真心推，好食到死，感覺好「糊口」，有d像吃碗仔翅，但個湯底、芫茜、辣蘿蔔、醋的味好夾，好味到唔識講野。