影片
更多
2019-12-06
713 瀏覽
今日放工約左個中學同學食飯聚舊。因為我地都係住附近, 所以屯門市中心就係最合適既食飯地點。我同朋友一樣, 已經好耐無行過市中心, 發現原來好多小商店都變哂大型連鎖店, 食肆都少左好多, 唯獨係呢間outback, 多年以來都屹立不倒, 今日晚上8點幾去到, 仍然見到門口有幾個人等緊位。好彩朋友醒目, 係等我既期間拎定位, 我去到就岩岩好入得座。不過要小心餐廳地下有少少跣…黑糖麵包免費的餐前麵包, 上枱時係微暖, 隠若仲會聞到少少黑糖味。切開麵包的時候會發現外層好脆, 中間鬆軟。咬落去就食到黑糖味頗香, 但又唔會好甜, 加埋奶油一齊食, 味道更好。因為我個人唔太喜歡食太乾的食物 (例如麵包 😆), 所以食左1/3就停左手, 但朋友好中意食, 仲想refill添! 最後我驚佢未上main course之前已經飽哂, 所以截住左佢。粟米忌廉湯相比起個黑糖麵包, 我更中意個湯! 因為質地稠身綿密, 好creamy! 雖然細細碗, 但好多粟米粒。美國肉眼扒拼蟹腳 ($352) 配薯條及焗甜薯朋友點左呢個餐, 因為佢唔太中意食太生既牛肉, 所以牛扒要7成熟。原本以為會好韌, 但我試左一舊又唔會,
黑糖麵包
黑糖麵包
54 瀏覽
0 讚好
0 留言
免費的餐前麵包, 上枱時係微暖, 隠若仲會聞到少少黑糖味。切開麵包的時候會發現外層好脆, 中間鬆軟。咬落去就食到黑糖味頗香, 但又唔會好甜, 加埋奶油一齊食, 味道更好。因為我個人唔太喜歡食太乾的食物 (例如麵包 😆), 所以食左1/3就停左手, 但朋友好中意食, 仲想refill添! 最後我驚佢未上main course之前已經飽哂, 所以截住左佢。
粟米忌廉湯
粟米忌廉湯
47 瀏覽
0 讚好
0 留言
相比起個黑糖麵包, 我更中意個湯! 因為質地稠身綿密, 好creamy! 雖然細細碗, 但好多粟米粒。
美國肉眼扒拼蟹腳 ($352) 配薯條及焗甜薯
美國肉眼扒拼蟹腳
$352
33 瀏覽
0 讚好
0 留言
朋友點左呢個餐, 因為佢唔太中意食太生既牛肉, 所以牛扒要7成熟。原本以為會好韌, 但我試左一舊又唔會, 都有肉汁。
蟹腳方面, 隻腳好長好大隻, 有我前臂咁長! 用較剪剪開蟹腳既時候, 好多汁噴出黎! 蟹肉好鮮甜, 而且食落有好重的海水味, 好fresh! 不過海水味帶咸, 食左兩隻腳就要飲水。
薯條
27 瀏覽
0 讚好
0 留言
薯條方面, 呢度既薯條好粗身, 炸得金黃色同埋好脆口, 沾埋茄汁食真係會食唔停! 不過唯一美中不足既係有少少咸, 不過都接受到既。
焗甜薯
45 瀏覽
0 讚好
0 留言
甜薯方面, 佢係係中間切左一刀, 然後全隻拎去焗的。上枱前係甜薯中間放左一舊奶油落去。因為我地食到最後已經好飽, 但又唔想浪費食物, 所以我同朋友都一人一半咁食左佢。放左大半個鐘之後, 甜薯原本既熱力已經令中間既cream溶左 😅, 令佢既外觀無咁好睇, 不過唔太影響味道。呢個甜薯既甜度幾高, 再加埋cream的少少甜味, 同埋佢綿滑既質感, 對中意食甜點既我, 係幾吸引既。
美國紐約西冷牛扒 ($268) 配薯條及新鮮時蔬
美國紐約西冷牛扒
$268
63 瀏覽
0 讚好
0 留言
我叫左呢個餐, 牛扒要5成熟。我有少少估唔到新鮮時蔬就係同西冷扒一齊上碟既配菜, 同埋佢既擺盤都幾求其… 不過唔緊要, 最重要都係食物質素好。個西冷味道正常, 但相比起其他扒房, 佢既肉味算太重。而且西冷既邊位有少少筋, 影響咬口, 所以有少少失望。
蜜桃蘋果酒沙冰 ($88)
蜜桃蘋果酒沙冰
57 瀏覽
0 讚好
0 留言
好大杯, 放係枱面好震撼 (都幾佔位置😂)。我幾中意一D甜甜既酒, 所以呢個飲品幾岩我飲。不過佢既份量好多, 我食到最尾已經好飽, 所以飲唔哂…
菠蘿香蕉特飲 ($48)
張貼
