影片
更多
2009-12-10
3 瀏覽
2months with my beloved去朗豪行左陣 影下相 之後就過黎撐檯腳入到黎 燈光暗暗 每檯都有支蠟燭仔 個feel幾好!叫左2個set dinner湯兩個都要忌廉螺肉湯頭盤揀左乾火腿薯蓉+炸蠔天婦羅主菜揀左西冷扒(7成熟)+個用雞肉卷住d飯係入面既東西(唔記得名)甜品揀左朱古力心太軟+焦糖布丁湯個味好濃 用料都好足 除左d雜菜之外仲真係有3粒大大粒既螺肉 亦都有鮮味 唔錯既一個湯頭盤個薯蓉加左d特別既汁去整 個味好搶 連埋塊薄火腿食非常唔錯炸蠔亦都係唔錯 炸到好脆 但唔油膩 而且好有蠔味 伴碟果d菜都有加檻欖油 所以都有味道 唔會話好淡 幾開胃反而主菜真係嘛嘛 7成熟既扒 雖然切開之後真係血淋淋 切上去已經feel到肉質和好"un" 結果亦都真係 要咬好耐先吞得而且冇乜牛味 佢本身個汁亦都係淡既 所以真係一般雞肉果個反而好d 雞煮得好岩 口感幾好 外皮脆雞肉軟入面d飯有d紅豆咁 甜甜地 加埋雞肉係咸咸地 食落幾特別甜品見好多人讚心太軟 加上女友好鍾意朱古力咁一定要試下啦 呀! 又真係好正喎!焗到個皮有少少脆 "湯"開佢個心d朱古力流晒出黎 甜甜的自問都算鍾意食甜野 但如
去朗豪行左陣 影下相 之後就過黎撐檯腳
入到黎 燈光暗暗 每檯都有支蠟燭仔 個feel幾好!
叫左2個set dinner
湯兩個都要忌廉螺肉湯
頭盤揀左乾火腿薯蓉+炸蠔天婦羅
主菜揀左西冷扒(7成熟)+個用雞肉卷住d飯係入面既東西(唔記得名)
甜品揀左朱古力心太軟+焦糖布丁
湯個味好濃 用料都好足 除左d雜菜之外
仲真係有3粒大大粒既螺肉 亦都有鮮味 唔錯既一個湯
頭盤個薯蓉加左d特別既汁去整 個味好搶 連埋塊薄火腿食非常唔錯
炸蠔亦都係唔錯 炸到好脆 但唔油膩 而且好有蠔味
伴碟果d菜都有加檻欖油 所以都有味道 唔會話好淡 幾開胃
反而主菜真係嘛嘛 7成熟既扒 雖然切開之後真係血淋淋
切上去已經feel到肉質和好"un" 結果亦都真係 要咬好耐先吞得
而且冇乜牛味 佢本身個汁亦都係淡既 所以真係一般
雞肉果個反而好d 雞煮得好岩 口感幾好 外皮脆雞肉軟
入面d飯有d紅豆咁 甜甜地 加埋雞肉係咸咸地 食落幾特別
甜品見好多人讚心太軟 加上女友好鍾意朱古力
咁一定要試下啦 呀! 又真係好正喎!
焗到個皮有少少脆 "湯"開佢個心d朱古力流晒出黎 甜甜的
自問都算鍾意食甜野 但如果個朱古力可以淡少少就更好 真係太膩
焦糖布丁就算數啦 冇焦糖味 非常淡 甜品都係叫心太軟穩陣d
呢度環境 食物 同服務都唔錯 waiter會主動幫我地影相
又好細心咁逐樣野幫我地落order 時間效得岩岩好 抵讚!
9:30pm後有75折 兩人加埋都係180蚊 呢個價有呢個質素真係超值
張貼
