影片
更多
2019-12-16
3986 瀏覽
一向覺得海運大廈既餐廳有種生人勿近既高貴感，普通餐廳配上美景已經升價百倍，作為精明消費者閒時想thrill下，當然揀返間有無敵海景得黎，仲有特別主題、以松露做主打既西餐試試啦。唔想諗，第一時間就睇中tasting dinner menu ($688 per person/4 courses) 樣樣想食既都有齊，原來可以只叫一人份量，揀4 courses再單點其他野十分抵食。Scallop Confit有北海道帶子、意大利青瓜、松露青豆蓉同白松露油。 估唔到第一啖就已經好滿意，北海道帶子色澤鮮明、厚實嫩滑，內裡半熟更加甜美柔軟，食材無可挑剔。澳洲M6和牛西冷牛排不得不讚個牛扒超靚，雖然切落去質感比想像中實淨，其實食落有點似熟成牛肉咁，結實同時保持軟腍。 牛扒煎得岩岩好唔會有血水，牛味極濃。不過分到咩位置味道都有好大分別，今晚呢塊有一半明顯地油脂分佈較豐富，鐘意甘香感覺真係要撞手神，但可以肯定牛魔王一定唔會失望。墨魚汁意大利飯表面有松露碎同咸蛋黃，味道未有太大驚喜，份量亦比想像中少，係加左咸蛋黃幾特別。另外單點左兩款，芝士火腿拼盤份量十足，芝士香醇、火腿甘香，不過空口食有少少咸。 留意到做
唔想諗，第一時間就睇中tasting dinner menu ($688 per person/4 courses) 樣樣想食既都有齊，原來可以只叫一人份量，揀4 courses再單點其他野十分抵食。
Scallop Confit有北海道帶子、意大利青瓜、松露青豆蓉同白松露油。 估唔到第一啖就已經好滿意，北海道帶子色澤鮮明、厚實嫩滑，內裡半熟更加甜美柔軟，食材無可挑剔。
澳洲M6和牛西冷牛排不得不讚個牛扒超靚，雖然切落去質感比想像中實淨，其實食落有點似熟成牛肉咁，結實同時保持軟腍。 牛扒煎得岩岩好唔會有血水，牛味極濃。
不過分到咩位置味道都有好大分別，今晚呢塊有一半明顯地油脂分佈較豐富，鐘意甘香感覺真係要撞手神，但可以肯定牛魔王一定唔會失望。
墨魚汁意大利飯表面有松露碎同咸蛋黃，味道未有太大驚喜，份量亦比想像中少，係加左咸蛋黃幾特別。
另外單點左兩款，芝士火腿拼盤份量十足，芝士香醇、火腿甘香，不過空口食有少少咸。 留意到做緊優惠有Wine Free Flow $88/90 min，下次時間充裕d一定黎摸住酒杯底餸芝士。
香蒜大蜆松露寬條麵可謂我今晚最難忘既菜式。 首先蜆肉超級大隻飽滿鮮甜，滿滿蜆肉淨係賣相已經令人心情愉悅，重點係呢個做法煮出左大量濃厚既蜆湯，除左手造寬條麵吸滿精華妙不可言之外，忍唔到手不斷畢黎飲，仲想用黎點麵包，必叫。
留意到成個menu其實亂咁叫都會有松露成份，今晚所有菜式其實面頭都現刨左松露片，但可能秋冬季盛產既松露品種香氣都偏清淡，所以不見預期中濃烈既石油氣味，加左其餘松露產品之後，香味勉強可以搭夠。 縱然如此，因為用料同烹調方法都好有水準，食物依然令人稱心滿意。
最後松露芝士球賣相好有趣，松露狀既蛋白餅估唔到松露味極濃，原來係因為加左松露油，幾欣賞甜品師既創意。 主角芝士球口感好rich好creamy，食到好熟悉既味道，最後同朋友一致認同係繽紛樂味，都幾有趣。
問過店員，有少部分菜式會有專人即席現刨松露，下年年頭要趁法國黑松露收成期再訪先得。
張貼
