曉廚軒香港風味 (已結業)

無驚無險又收工，今晚有酒聚，路經大代都係打個底穩陣喇，免得空肚就劈過您死我活，無野劏呢 ﹗近來晚晚都好旺場喎，7 點幾想搵個靚位都難，面壁都照坐啦，食少少野十 多分鐘啫。豉椒蒸排骨，收銀叔叔話剩返一碟都放一段時間唔係太靚喎，不如即刻蒸碟新比您好無？好呀好呀，麻煩晒 ﹗當然新鮮出爐最好味啦。約五分鐘搞掂，香噴噴 ﹗大量蒸氣向上飄啊， 好有氣氛。肉味香濃甜美，肉多骨少又無咩肥膏，啖啖肉愛死您 ﹗豬肉甜美中泛著少許豆豉及紅椒味道，更加好味 ﹗原盅淮山杞子螺頭燉雞腳湯，老實講我有 9 成都係因為個燉湯而黎架乍，足料大碗又經濟。螺頭海味味道特濃，螺頭肉嚥嚥韌韌，燉完湯都仲有攝人既海螺味道。湯汁清徹而香濃，淮山杞子天然甜味併上雞湯底，好味到唔停得口，就連湯渣都好好味呢 ﹗ 膠口嫩滑雞腳、粉口鮮淮山 ！