影片
更多
2017-11-02
389 瀏覽
好多人都唔知蘭杜街喺邊，其實就喺灣仔莊士敦道同皇后大道中間，呢條街雖然唔係太長，但都有唔少食店，又有拉麵、雞排、麵店、西餐等。黎到位於中間嘅呢間泰國菜，外面嘅裝修睇落都好似一間酒吧咁，比較特別係近門口位置有個開放嘅吧枱位，可以人喺餐廳裡面，但望到街外情況，而家天氣稍涼，吹住啲自然風都幾舒適。店內燈光、裝修都類似酒吧，共實佔地唔大，不過喺牆上裝左塊大鏡，幾特別，令視覺效果上覺得環境好似大左一倍，幾有心思。一行三人坐左喺長餐枱，都食左幾款佢地嘅招牌菜，包括三味蟹、冬蔭公火鍋配牛頸肉、榴槤薄餅、燒大蝦。1)三味蟹賽螃蟹：包括有賽螃蟹，放喺蟹蓋上，蟹肉已經拆開，份量都幾多架，而且蛋白都好香滑蟹鉗：因為係兩人份，所以有兩隻，蟹鉗就唔算話好多蟹肉，中規中矩。咖喱蟹：大約有一隻蟹份量，唔係話太大隻，主要係食啲蟹腳同咖喱汁，個汁都幾杰身，所以都跟左幾片蒜蓉包，唔會好辣，送包一流2)燒大蝦：大約每份四、五隻，視乎重量，用上越南虎蝦，真係好大隻啊，燒得好香，每啖都好彈牙，新鮮十足3)冬蔭公+特級牛頸肉：牛肉大概有八片左右，冬蔭公湯味道香濃，鐘意食海鮮可以揀另一款。湯底一路滾住都聞到好香，辣度唔高，容易入口
店內燈光、裝修都類似酒吧，共實佔地唔大，不過喺牆上裝左塊大鏡，幾特別，令視覺效果上覺得環境好似大左一倍，幾有心思。一行三人坐左喺長餐枱，都食左幾款佢地嘅招牌菜，包括三味蟹、冬蔭公火鍋配牛頸肉、榴槤薄餅、燒大蝦。
1)三味蟹
賽螃蟹：包括有賽螃蟹，放喺蟹蓋上，蟹肉已經拆開，份量都幾多架，而且蛋白都好香滑
蟹鉗：因為係兩人份，所以有兩隻，蟹鉗就唔算話好多蟹肉，中規中矩。
咖喱蟹：大約有一隻蟹份量，唔係話太大隻，主要係食啲蟹腳同咖喱汁，個汁都幾杰身，所以都跟左幾片蒜蓉包，唔會好辣，送包一流
2)燒大蝦：大約每份四、五隻，視乎重量，用上越南虎蝦，真係好大隻啊，燒得好香，每啖都好彈牙，新鮮十足
3)冬蔭公+特級牛頸肉：牛肉大概有八片左右，冬蔭公湯味道香濃，鐘意食海鮮可以揀另一款。
湯底一路滾住都聞到好香，辣度唔高，容易入口，淥完啲牛肉又可以飲埋個湯
4)D24榴槤薄餅：長方形，脆皮底，唔厚好薄身，食落咔咔聲，裡面有啲榴槤肉，好勁架陣味，鐘意食榴槤嘅朋友唔好錯過
菠蘿冰：用真菠蘿打，唔會好甜。
芒果冰：味道勁香濃，甜度適中，一定要點。
價錢黎計就唔算平，但見有唔少人都點左一個6隻生蠔配一杯酒嘅餐，happy hour都係個唔錯嘅選擇。
而且呢條街又唔會話太嘈，可以清淨啲傾下計都唔錯啊！
張貼
