娜吧

營業中

休息中

位於北角既酒吧餐廳，未入嚟之前以為係食西餐，仔細睇餐牌先知原來係食拉麵，啱晒收工落嚟chill~ 餐廳既裝潢好有特色，坐唔同既位置都好適合打卡。自家製黑豚叉燒拉麵叉燒既外層甘香，入口即溶🤩，最鐘意呢款口感既叉燒。湯底係自家烹調，無落任何味精，味道濃郁得嚟又唔會覺得好heavy 。拉麵軟硬度適中。成碗拉麵每個細節位都做得好出色，好有心思，就算係坊間既拉麵店都唔一定煮到呢個水準。日式沾麵果然係打卡之選既沾麵，上菜果下有股騰雲駕霧既氣勢，吸引埋隔離枱既目光😂。來自台灣既麵底嫩滑彈牙，再沾上厚身濃郁既湯底，冷熱交融既口感真係無得輸。