影片
更多
2018-07-03
2883 瀏覽
小小的入口行過差點睇唔到，酒吧有 lunch 食？最緊要有冒險精神，衝呀！別有洞天在閣樓，地方寬闊空曠，雖然瀰漫著酒吧的氣味。意想不到有硬鏢又有電腦鏢掟喎，不過一收工就速逃紅磡區，都唔係留係附近玩架囉。餐牌寫住意大利麵，大陸咩！捍衛廣東話、繁體字，係意大利粉。午餐都係西式快餐類，雞牛豬、飯意粉薯菜啦。第一次幫襯 lunch 同時又係最後一次，之後都唔再做 lunch 喇，黃昏 6 點先開門，緣起緣滅聚散無常！羅宋湯，濃郁茄膏味道，酸甜味強烈而不辣，自己加辣椒仔汁，刺激可口多了。巴西雞扒伴炸帶子配蒜蓉汁跟薯菜，炸薯條乾爭爭得個殼，滾上大量茄汁求其食晒去。即食炸帶子，橙色的麵包糠都幾可怕，硬掘掘刮嘴的外層，裡面雪白無味帶子肉，似魚肉多過帶子，真係茄汁侍候啦！雞扒雪藏味濃烈，同事吃不消，就等我食埋去啦！靠晒您喇，辣椒仔！肉質都非常滑溜多汁，係有少少腥腥地啫。芝士黑椒焗牛脷意粉，都唔覺有焗過，失望。全熟彈彈意粉無過腍過粉，掛上甜甜微辣黑椒汁，熱燙燙一氣呵成啜晒倒肚，好滿足啊！份量偏細呢，食 3 啖無晒。牛脷烹調得出色喎，不鞋無脷胎，非常軟棉，不嗅不羶，好食！
別有洞天在閣樓，地方寬闊空曠，雖然瀰漫著酒吧的氣味。意想不到有硬鏢又有電腦鏢掟喎，不過一收工就速逃紅磡區，都唔係留係附近玩架囉。
餐牌寫住意大利麵，大陸咩！捍衛廣東話、繁體字，係意大利粉。午餐都係西式快餐類，雞牛豬、飯意粉薯菜啦。
第一次幫襯 lunch 同時又係最後一次，之後都唔再做 lunch 喇，黃昏 6 點先開門，緣起緣滅聚散無常！
羅宋湯，濃郁茄膏味道，酸甜味強烈而不辣，自己加辣椒仔汁，刺激可口多了。
巴西雞扒伴炸帶子配蒜蓉汁跟薯菜，炸薯條乾爭爭得個殼，滾上大量茄汁求其食晒去。即食炸帶子，橙色的麵包糠都幾可怕，硬掘掘刮嘴的外層，裡面雪白無味帶子肉，似魚肉多過帶子，真係茄汁侍候啦！
雞扒雪藏味濃烈，同事吃不消，就等我食埋去啦！靠晒您喇，辣椒仔！肉質都非常滑溜多汁，係有少少腥腥地啫。
芝士黑椒焗牛脷意粉，都唔覺有焗過，失望。全熟彈彈意粉無過腍過粉，掛上甜甜微辣黑椒汁，熱燙燙一氣呵成啜晒倒肚，好滿足啊！份量偏細呢，食 3 啖無晒。牛脷烹調得出色喎，不鞋無脷胎，非常軟棉，不嗅不羶，好食！
羅宋湯
98 瀏覽
0 讚好
0 留言
巴西雞扒伴炸帶子配蒜蓉汁跟薯菜
90 瀏覽
0 讚好
0 留言
芝士黑椒焗牛脷意粉
72 瀏覽
0 讚好
0 留言
張貼
