Hami Harmony (已結業)

今日途徑太子酒吧街，發現一間好特別嘅餐廳，白色嘅外牆令佢系衆多食肆當中別樹一格。由於lunch時間，都有人系出面等位，但人龍唔算長。我同朋友走過去望見裏面環境好似唔錯，就決定系度食lunch。等咗一陣就可以入去坐啦。我地叫咗金巴利子汁鴨胸伴薯蓉同啤酒炸漿炸魚薯條。金巴利子汁同鴨胸簡直係絕配，再加上薯蓉成道菜真係令人食過翻尋味。啤酒炸漿炸魚薯條D啤酒幾入味，炸魚薯條都炸得幾好，好脆口，整體感覺都OK。由於我都幾鍾意食沙律菜，兩道菜都有新鮮沙律菜跟埋，所以都覺得幾好。另外，我都叫咗杯飲品—鮮果士多啤梨檸檬薄荷梳打。夏日炎炎飲返杯真係覺得好清爽。依幾種新鮮生果配搭都幾得意，味道特別，唔似人造色素。個人認爲菜色定價中上，但質素唔差，加上環境同服務一齊計價錢都算可接受。有機會會再嚟，叫多D朋友一齊share都唔錯。