影片
更多
2019-05-25
17 瀏覽
今次試新野，呢間係酒吧加西餐為一體嘅餐廳。而佢嘅signature 應該係備長碳，所以點都要試一試。上到來，門口有個大大嘅牌寫住備用炭，好明顯係招牌必食啦。餐廳其實算幾大，位置好多，主要係高枱同高椅子，配合返餐廳以酒吧加西餐嘅主題，而燈光相對比較暗。值得留意嘅係，呢度嘅Lunch Set 係去到夜晚8點鐘，所以夜晚來都可以選擇，抵讚！咁我地就可以試埋佢個沙律同埋湯。南瓜沙律沙律菜新鮮，味道清新爽口，而南瓜係煎過，好香，食完感覺好開胃！白菌忌廉湯好清新，飲得出有菌類既味道，雖然加左忌廉但都唔覺得膩。另外飲落好有口感，因為有少少菌類粒狀。炭燒天多尼式澳洲120日穀飼黑安格斯肉眼上枱時已經覺得肉眼扒很大塊，同平時食開西餐牛扒好唔同，因為佢係用備長炭燒，食落好有濃濃嘅炭燒香味。由於用炭燒，所以外型係一格格好有燒烤嘅痕迹。肉質嘅油脂分布好平均，食落好juicy。店員介紹話加左幾種香料一齊燒，味道幾特別，而且帶點少辣。而薯條炸得都算香口鬆脆，帶有少許油份。銀雪魚西京燒定食另外仲叫左銀雪魚西京燒，銀雪魚嘅外皮煎到微焦而且食落帶點脆，而雪魚本身肉質雪白且嫩滑，煮嘅時間剛剛好，另外配上少許雜菜，感覺非常
餐廳其實算幾大，位置好多，主要係高枱同高椅子，配合返餐廳以酒吧加西餐嘅主題，而燈光相對比較暗。
值得留意嘅係，呢度嘅Lunch Set 係去到夜晚8點鐘，所以夜晚來都可以選擇，抵讚！咁我地就可以試埋佢個沙律同埋湯。
南瓜沙律
沙律菜新鮮，味道清新爽口，而南瓜係煎過，好香，食完感覺好開胃！
白菌忌廉湯
好清新，飲得出有菌類既味道，雖然加左忌廉但都唔覺得膩。另外飲落好有口感，因為有少少菌類粒狀。
炭燒天多尼式澳洲120日穀飼黑安格斯肉眼
上枱時已經覺得肉眼扒很大塊，同平時食開西餐牛扒好唔同，因為佢係用備長炭燒，食落好有濃濃嘅炭燒香味。由於用炭燒，所以外型係一格格好有燒烤嘅痕迹。肉質嘅油脂分布好平均，食落好juicy。店員介紹話加左幾種香料一齊燒，味道幾特別，而且帶點少辣。而薯條炸得都算香口鬆脆，帶有少許油份。
銀雪魚西京燒定食
另外仲叫左銀雪魚西京燒，銀雪魚嘅外皮煎到微焦而且食落帶點脆，而雪魚本身肉質雪白且嫩滑，煮嘅時間剛剛好，另外配上少許雜菜，感覺非常健康。而呢個定食是跟白飯同豆腐湯，感覺好滿足。
特選厚切牛舌串
呢度嘅串燒都係用備長炭燒，牛舌好厚身，聞到有好香嘅炭燒味。食落好爽口，唔會覺得韌，充滿油香同肉汁。
雞胸軟骨 & 自家製免治雞肉串
雞肉同軟骨嘅分布啱啱好，軟骨食落好脆，不過略嫌份量偏少。而免治雞肉食落有口感，加上用炭燒方式，味道一流，值得一試。
橙汁
自家製即榨橙汁，清新有橙味！
張貼
