Mint Supper Club (已結業)

大鄉里出城，平時都好少去中環蘭桂坊呢邊，但今日同朋友行完大館朋友就話帶我落蘭桂坊行一轉順邊睇下有咩好野食。經過呢間吧，個環境格局同其吧相比就比較寬敞，同埋因為時間尚早都未係咁多人唔係太嘈，好啱入去休息坐下吹下水。原本諗住飲杯野叫下D小食就走人，但睇到MENU仲有D泰式主菜可以叫，所以兩個人除咗叫野飲外，最終都叫咗一碟PAD THAI同一個泰式咖喱軟殼蟹。PAD THAI好惹味，而且配料都好足，甜酸辣味齊集，同我之前係泰國食的差不多，食完一口之後會忍唔住不停再食，結果因為朋友顧住飲酒，呢碟差不多比我一個人食咗三份二，下次有機會再來我一定ENCORE呢個金邊粉。個咖喱軟殼蟹都有驚喜，首先就係個份量都唔少，唔係嗰D細細件唔會食到膏的蟹，咖喱汁煮得好有椰香味，唔算好辣應該唔食開辣的也食到，配合埋個香香脆脆軟殼蟹就送酒一流。