Main Place

營業中

休息中

同friend喺旺角花墟球場打完波得返兩個人，就兩個一齊行過去太子食晚飯。一轉入花園街行兩部就黎到Main Place呢間酒吧餐廳度食。有別太子區其他嘅酒吧，由於呢間係清吧嘅關係，冇左平時嘈吵嘅骰盅聲同猜枚聲，再加上暗暗嘅燈光，別有一番風味。一坐低個侍應就問放低個餐牌同問我地飲咩，我本人就唔好酒所以要左杯水，個friend就叫左杯cocktail，飲完佢都有話幾好飲，不過就真係唔記得左佢叫左D咩啦。野食方面我地兩個人叫左個肩胛肉同芝士青口share，D野食唔洗話等好耐先黎，個肩胛肉真係好大份又重牛味又完全唔硬，個青口粒粒都好大粒，D芝士汁香得黎又唔會蓋過青口D鮮味，真係一流。到埋單原來食牛扒青口都可以每人200蚊埋單，D侍應仲要態度好好，如果下次再喺太子食飯一定會再黎。