影片
更多
2017-09-10
287 瀏覽
認識筆者嘅的朋友，相信都知道我是個不折不扣「無飯主婦」，平日最愛的節目就是周圍走，四出覓食，不過有時懶懶地，唔想去太遠，也會在家附近找找，看看是否有值得一試的店舖。最近從食評網發現這間叫「酒肉·朋友」的新餐廳，店名咁搞鬼，睇吓食乜先？原來係一間主打日式串燒和西式料理嘅食肆，反正兩口子已很久沒吃過串燒，就一於趁周末來試試。店子座落於鰂魚涌芬尼街，拉開趟門內進，店舖地方不大，但裝潢簡約富格調，舖面設計分成左右兩邊，中央以一道摺門作間隔，左手邊的用餐區擺放了多張拼合式的四人椅桌；而右手邊的用餐區則以粉紫作主調，配上皮梳化後面的卡通人物牆紙，為室內添上一份熱鬧氣氛。。翻開幼長餐牌，食物分為兩大類，有日式串燒，亦有西式料理，而串燒就再細分為一品料理、海鮮、鳥串燒、牛豚及蔬菜。飲品方面，除咗可以揀汽水、咖啡、檸茶、奶茶、啤酒及紅白酒等外，客人亦可用推廣價每位 $108 任飲清酒，啱曬喜歡邊飲邊食嘅朋友。先嚟一客酒盜芝士 ($48) 熱熱身，原來所謂「酒盜」，即是用魚的腸胃以清酒及鹽醃製再發酵，然後配上軟熟濃香嘅芝士及餅乾同吃，既可中和味道，亦令酒盜入口更加滑溜。馬上一試，用鹽漬方法把下欄魚腸變
認識筆者嘅的朋友，相信都知道我是個不折不扣「無飯主婦」，平日最愛的節目就是周圍走，四出覓食，不過有時懶懶地，唔想去太遠，也會在家附近找找，看看是否有值得一試的店舖。最近從食評網發現這間叫「酒肉·朋友」的新餐廳，店名咁搞鬼，睇吓食乜先？原來係一間主打日式串燒和西式料理嘅食肆，反正兩口子已很久沒吃過串燒，就一於趁周末來試試。
店子座落於鰂魚涌芬尼街，拉開趟門內進，店舖地方不大，但裝潢簡約富格調，舖面設計分成左右兩邊，中央以一道摺門作間隔，左手邊的用餐區擺放了多張拼合式的四人椅桌；而右手邊的用餐區則以粉紫作主調，配上皮梳化後面的卡通人物牆紙，為室內添上一份熱鬧氣氛。。
翻開幼長餐牌，食物分為兩大類，有日式串燒，亦有西式料理，而串燒就再細分為一品料理、海鮮、鳥串燒、牛豚及蔬菜。飲品方面，除咗可以揀汽水、咖啡、檸茶、奶茶、啤酒及紅白酒等外，客人亦可用推廣價每位 $108 任飲清酒，啱曬喜歡邊飲邊食嘅朋友。
先嚟一客酒盜芝士 ($48) 熱熱身，原來所謂「酒盜」，即是用魚的腸胃以清酒及鹽醃製再發酵，然後配上軟熟濃香嘅芝士及餅乾同吃，既可中和味道，亦令酒盜入口更加滑溜。馬上一試，用鹽漬方法把下欄魚腸變得充滿鹹鮮味，做法獨特，再伴以芝士，並塗在梳打餅上，一口咬下去，餅乾的脆、芝士的軟滑與魚腸的鹹鮮味一同在口腔內爆發，味道好夾！
接著是一客鹽麴帶子 ($38)，其實鹽麴是以鹽、米麴及水混合，讓其自然發酵熟成的一種日本傳統調味料，自古以來大多被用於醃漬魚與蔬菜。而這裡的廚師就將鹽麴用來配雪白肥美嘅帶子刺身，並以蟹籽作點綴。一試，食落略為鹹香，而且鹹中更帶點像酒糟的酒香，味道比蘸豉油和芥辣更鮮甜。
兩口子對「脆鱔」向來都情有獨鍾，見餐牌有鹽燒白鱔 ($48/串)，一口氣點了四串。肥美的白鱔燒至皮脆肉香，食落肉質幼嫩，不會燒至乾身，入口豐腴滿足，令人回味無窮，絕對是這裡必食的串燒之一。
身為雞翼控，加上對雞翼向來有情意結，食極唔厭，既然一場來到，又點會錯過店裡嘅明太子雞翼 ($38/隻) 呢？其實除了燒雞翼外，明太子雞翼可算是最傳統的日式做法。而這裡亦做得非常出色，廚師先將鱈魚籽混入雞肉及七味粉等調味，再釀入雞翼內燒香。漲卜卜的雞翼入口一點也不腥、帶辣香，而且燒得唔乾，肉汁仍然保留到，味道一流！
壓軸點了雞腎 ($28/串)，雞腎咬下非常爽脆，醃得好入味，一啲都唔韌，燒得啱啱好，而且由於用醬汁燒過，可去除雞腎異味。整體嚟講，食物質素唔錯，大部分我試過嘅串燒都幾好味，加上咁近屋企，有時間應該會再訪。
張貼
