影片
更多
2022-01-05
1148 瀏覽
.📍潮州人📍 #饅頭去太子 #饅頭食中式菜------------------------------1️⃣招牌花膠米粉 ($53)佢哋嘅湯底係清新中帶少少鹹味嘅雞湯，接近冇油所以好易入囗；花膠雖然唔係花膠扒但都非常之大塊，係用醬油煮至軟身入味，食落微微漿口但唔會太黏😋。濃郁清甜嘅醬汁同鹹而不渴嘅雞湯可謂非常合拍💯，送上索湯嘅幼細爽彈新竹米粉，每啖都好有咬勁唔會淡而無味，可惜份量以呢個價格呢講太少，食完唔夠飽。◾評分：7.7/10------------------------------2️⃣廣島蠔米粉 ($53)呢個非常之驚喜！好耐未食過咁鮮又冇腥味嘅蠔😍，3隻蠔都肥美飽滿唔會萎縮埋一嚿，蔥油炸得香口，搭配雞湯同蠔自然好食。同行嘅家姐話如果加少少佢哋自家製嘅辣椒油，層次會更豐富🙆🏻♀️。◾評分：7.9/10------------------------------3️⃣酒糟醉雞腎 ($30)呢個相對上面兩個就比較普通，雖然份量足夠，雞腎其實都好爽口唔難咬，但佢嘅花雕味實在太濃太過搶，就算小編嘅家姐飲開酒都話太濃烈🥺。◾評分：6.5/10----------------------------
📍潮州人📍 #饅頭去太子 #饅頭食中式菜
------------------------------
1️⃣招牌花膠米粉 ($53)
佢哋嘅湯底係清新中帶少少鹹味嘅雞湯，接近冇油所以好易入囗；花膠雖然唔係花膠扒但都非常之大塊，係用醬油煮至軟身入味，食落微微漿口但唔會太黏😋。濃郁清甜嘅醬汁同鹹而不渴嘅雞湯可謂非常合拍💯，送上索湯嘅幼細爽彈新竹米粉，每啖都好有咬勁唔會淡而無味，可惜份量以呢個價格呢講太少，食完唔夠飽。
◾評分：7.7/10
------------------------------
2️⃣廣島蠔米粉 ($53)
呢個非常之驚喜！好耐未食過咁鮮又冇腥味嘅蠔😍，3隻蠔都肥美飽滿唔會萎縮埋一嚿，蔥油炸得香口，搭配雞湯同蠔自然好食。同行嘅家姐話如果加少少佢哋自家製嘅辣椒油，層次會更豐富🙆🏻♀️。
◾評分：7.9/10
------------------------------
3️⃣酒糟醉雞腎 ($30)
呢個相對上面兩個就比較普通，雖然份量足夠，雞腎其實都好爽口唔難咬，但佢嘅花雕味實在太濃太過搶，就算小編嘅家姐飲開酒都話太濃烈🥺。
◾評分：6.5/10
------------------------------
4️⃣溏心醉蛋 ($18)
蛋黃晶瑩半熟流心咁非常之靚，蛋白夠軟滑Q彈，不過同上面嘅問題一樣，就係清酒味太過霸道🥴，導致感受唔到任何鹹味，味道單一。
◾評分：6.3/10
------------------------------
🔸整體評分：7.4/10
🔸小編回頭率：6.5/10
張貼
