影片
更多
2017-10-08
604 瀏覽
千上日本料理 - 酒店入面嘅「隱世」日本料理識講「213孖4」嘅人周圍都有，但字正腔圓咁講「いらっしゃいませ」嘅唔多；日本野周圍都食到，但想食啲有質素嘅日本料理，就唔係度度都做到。今次得到朋友捐窿捐罅咁帶咗我上酒店去食千上，除咗聽到純正日本口音嘅「いらっしゃいませ」之外，仲食到一餐好高質嘅日本野。入座之後，店員就遞上熱菜。店員同我地講由於間鋪都仲係新開張冇耐，所以餐牌、餐具擺設都好基本，同食物嘅價位唔太相襯，打算連餐牌餐具都用相機吞落肚嘅話可能會有啲失望。不過對大食7嘅我地黎講，食物嘅質素就更重要。「給我食物，其餘免談！」（左）左口魚、火炙帶子壽司，刺身，蟹羔玉子（右）鯛魚、火炙三文魚壽司，池魚刺身，溫室蕃茄海葡萄沙律等到一陣，侍應終於遞上食物。話明係日本野，擺相精美到你會唔想食是基本吧，尤其將唔同嘅單品放堆一齊，顯到更吸引更精美。相機食完一輪之後，我地就唔客氣開餐喇。厚切嘅三文魚，加上恰到好處嘅火炙，表面焦香而入面保留魚生嘅質感，結果就好似食棉花糖咁入口即溶，成口只剩低三文魚嘅鮮味同油脂香。池魚切條，同埋薑蔥包成繡花球形，賣相精美之餘仲辟到平時食池魚會食到嗁腥味，睇得又食得，師傅嘅心
識講「213孖4」嘅人周圍都有，但字正腔圓咁講「いらっしゃいませ」嘅唔多；日本野周圍都食到，但想食啲有質素嘅日本料理，就唔係度度都做到。今次得到朋友捐窿捐罅咁帶咗我上酒店去食千上，除咗聽到純正日本口音嘅「いらっしゃいませ」之外，仲食到一餐好高質嘅日本野。
入座之後，店員就遞上熱菜。店員同我地講由於間鋪都仲係新開張冇耐，所以餐牌、餐具擺設都好基本，同食物嘅價位唔太相襯，打算連餐牌餐具都用相機吞落肚嘅話可能會有啲失望。不過對大食7嘅我地黎講，食物嘅質素就更重要。「給我食物，其餘免談！」
（左）左口魚、火炙帶子壽司，刺身，蟹羔玉子
（右）鯛魚、火炙三文魚壽司，池魚刺身，溫室蕃茄海葡萄沙律
等到一陣，侍應終於遞上食物。話明係日本野，擺相精美到你會唔想食是基本吧，尤其將唔同嘅單品放堆一齊，顯到更吸引更精美。相機食完一輪之後，我地就唔客氣開餐喇。厚切嘅三文魚，加上恰到好處嘅火炙，表面焦香而入面保留魚生嘅質感，結果就好似食棉花糖咁入口即溶，成口只剩低三文魚嘅鮮味同油脂香。池魚切條，同埋薑蔥包成繡花球形，賣相精美之餘仲辟到平時食池魚會食到嗁腥味，睇得又食得，師傅嘅心思值得一讚。
（上，左至右）煙肉年糕串，安格斯牛柳粒，天婦羅，燒蠔
（下，左至右）肥牛大蔥卷，明太子雞肉串，烤羊架，吉烈野蠔
黎完一堆「生冷野」之後，侍應就上埋熱盤。日式串燒有一種好奇怪嘅魔力，明明款式來來去去都係個幾款，啲材料講唔上有幾矜貴，但總會令你一食就上癮，欲罷不能。強烈推介左上嘅煙肉年糕串，有齊「拉絲」、「流心」、「極邪惡」三大X假期元素，一食就上癮，減肥者要極度小心。肥牛大蔥卷又係另一種會上癮美食，肥牛嘅脂肪配合日本大蔥嘅爽甜簡直天衣無縫，配合杯Asahi就Perfect喇！估唔到我全晚最想encore嘅就係呢兩款串燒。
鐵板牛柳粒、泡菜豚肉鍋
食完刺身壽司串燒爐端燒之後，侍應就送上啲相對飽肚嘅一品料理，包括肉食獸嘅我最愛嘅鐵板牛柳粒同埋少數有蔬菜（！）嘅泡菜豚肉鍋。全晚相對失望嘅係，鐵板牛柳粒上嘅蒜片唔夠脆，滿足唔到我呢啲將炸蒜片當炸薯片咁食嘅蒜魔。
椰子味雪糕
食完之後店員就問埋我地想食咩雪糕，呢一晚分別有薑味同椰子味可以揀。椰子味雪糕偏椰奶味，但同時又有少許椰青水嘅清香，加上椰子肉粒，令到呢球雪糕甜而不膩。
食完個雪糕，我同個朋友就心滿意足咁埋單走。店員隨即再用標準口音嘅日文道別我地。由店員嘅標準發音，以及食物嘅質素，見到呢間店對細節都係有要求，希望店鋪日後愈做愈旺嘅時候，仍然保持到呢一份細心。
張貼
