千賀水產の鮮鍋道場 (已結業)

最近有個朋友同我講銅鑼灣有間酒店入面有得食火鍋放題，然後我問佢，吓，酒店入面? 使唔使5/600蚊一個人啊? 然後佢話只係大約300蚊一個人。之後我上網睇下發現原來星期1-4只係$268+10%，星期五-日就 $298+10% 。終於就嚟到一試，食店位於銅鑼灣時代廣場對面既智選假日酒店３樓，可以任飲任食６小時，比起一般放題限住２小時更加可以嘆耐啲。火鍋放題首先就喺唔同既湯底中揀，價錢包而首先嚟既有環球美食菜式旬之海鮮盛合，包括有象拔蚌五品刺身，極上安格斯牛小排，醬爆薑汁貢丸，雙目海鮮滑同埋旬之海鮮盛合。象拔蚌五品刺身旬之海鮮盛合極上安格斯牛小排以上呢個餐牌就係可以無限追加既食物，包括黑豚肉，雞件，肥牛，羊肉，海蝦，餃類，魚滑等。以上分別係黑豚肉同肥牛。而另外仲有飲品櫃比客人任飲，亦設有自助沙律壽司吧，可以比客人任攞任食，呢度既食物包括有不同種類既壽司，熟食，沙律，甜品等，最特別係中式既食物都會有例如係金沙骨，蘿蔔牛腩等。整體我覺得唔錯，因為可以任飲任食6個鐘而且食物選擇唔少，我已經食到好飽，哈哈。