Dabyida Restaurant and Bar (已結業)

外國朋友到左香港旅行，唔夠時間同佢周圍玩，就係佢酒店附近食，估唔到有間食半自助餐既餐廳。揀一個主菜，冷盤、沙律同甜品等等都係任食。有3-4款沙律，肉同埋芝士都有幾款可以食。甜品好美觀，除左蛋糕仲有馬卡龍，正！冷盤既凍肉有三種，質素都唔錯，辣煙燻腸好濃味，辣辣地不錯。意粉係撈左沙律醬同吞拿魚，幾飽肚！仲有薯仔烚蛋沙律，幾好食，薯仔好大舊。主菜黎啦！係炭燒雪花西冷扒配黑松露燒汁。外型好美觀，質素都唔錯，牛排果然係雪花西冷，十分肥美，有陣陣炭火既香味，外層燒到有小小脆。牛排醬汁濃郁，有重好香既菇味同黑松露味，咸味較為突出。最後食埋甜品先，選左伯爵茶蛋糕同三件馬卡龍。伯爵茶蛋糕好清香，甜度適中，夠綿密，忌廉又夠滑。馬卡龍都係外脆，入面小小煙韌，綠色味最好食。