壹壹漁一 (已結業)

專程去大角咀交MPF文件，辦妥已經接近下班時間，一於跟 RM 去附近酒店打邊爐，打邊爐就食得多啦！酒店打邊爐放題都係第一次，酒店環境乾淨，座位闊落，空間感足夠，最緊要係環境衛生食得安心。《花膠雞湯》90分鐘放題可以先選擇湯底，近期咁乾燥一於食過滋潤養顏嘅花膠雞湯。 《澳洲M6和牛》$288然後放題又可以選擇唔同嘅肉類，不同款式就不同價錢，最後我們選擇了CP 值高的澳洲M6和牛，一個價錢任叫任食，都係選擇高質素的和牛更加實惠。澳洲M6和牛 每次食完店員都會自動自覺主動問我地有冇需要 refill ，不會吝嗇，這個又要讚一下！我喜愛食日本和牛，但澳洲M6和牛油花分佈亦不錯。個人覺得澳洲和牛脂肪分佈平均，肉味跟油脂香好平衡，牛味香濃，不需要什麼調味料也可以吃得到原本的香濃肉味。吃過牛之後，可以到外面自助吧，隨意拿取喜愛的蔬菜、丸類、還有一點海鮮，午餐肉、魚皮、蟹柳、香腸這些都是必吃的！而且精選豚肉和特級牛舌心都可以任食，但是我的quota能夠留給牛肉，唯有下次再來努力！到最後還有自助雪糕，可以無限食哈根大師四款口味雪糕，甜甜蜜蜜作結尾。