Le Café Habitat (已結業)

好朋友生日，要食餐好既！一個又話要坐得闊落，一個又話要係市中心，之前黎過哩間食 tea, 環境幾舒服，又可以行下家品，一舉兩得。估唔到係 cafe 又可以食到高質既食物！我地5個人叫左七、八樣野，最正既係生蠔係 $13蚊起！傻的嗎？喺銅鑼灣鬧市食到咁平既生蠔，仲要係勁新鮮。真心推介嘅 72 小時慢煮牛肋骨！有水準之餘，喺呢度食平勁多，平時喺酒店食要千幾蚊。微烤過的外表，但係入面鮮嫩多汁，牛肋骨經過72小時慢煮後，變到入口即溶，肥瘦適中，同行既朋友都話好好食。以後過時過節都可以嚟呢度慶祝。