影片
更多
2016-05-08
2131 瀏覽
今晚同朋友慶祝生日, 選擇左呢間樓上私房菜, 帶朋友黎食好西。餐廳環境暗暗地，每枱都有燭台，感覺幾浪漫，比起同朋友慶生，情侶黎慶祝紀念日更加適合。呢度只係做set dinner, 共有5道菜，每樣都有得揀，睇落都好豐富. 而且係free corkage, 可以自己帶酒黎飲食set前開左3款生蠔，分別係美國，南非同法國，3款都好新鮮,而vi就最喜歡法國蠔既海水味~呢度既餐包都好有heart, 法包烘得夠熱，醬汁除左一般既牛油同olive oil之外，仲有一款特制既茄子醬，欣賞廚師既創意~Starter選擇左柚子檸檬汁醃青口及吞拿魚配柚子沙律，賣相好精緻，青口同吞拿魚各有3粒，以starter黎講都幾多，吞拿魚輕煎過，表面香口裡面食到生生地既鮮味，點埋旁邊既柚子汁幾醒胃，而沙律主要係芹菜絲, 好爽口但Vi麻麻地中意芹菜~餐湯點左風乾牛肉，洋薏米忌廉湯，呢個湯好特別，加左洋薏米，好有咬口而且風乾牛肉咸咸地，好夾個忌廉湯，好中意d洋薏米，煙煙韌韌咁，唔似得平時既忌廉湯咁單調~Entree揀左法式海鮮脆卷，脆卷睇落同食落都好似春卷，個皮好鬆脆，裡面食到有蝦有章魚等海鮮，味道唔錯，食到呢度已經開始
呢度只係做set dinner, 共有5道菜，每樣都有得揀，睇落都好豐富. 而且係free corkage, 可以自己帶酒黎飲
食set前開左3款生蠔，分別係美國，南非同法國，3款都好新鮮,而vi就最喜歡法國蠔既海水味~
呢度既餐包都好有heart, 法包烘得夠熱，醬汁除左一般既牛油同olive oil之外，仲有一款特制既茄子醬，欣賞廚師既創意~
Starter選擇左柚子檸檬汁醃青口及吞拿魚配柚子沙律，賣相好精緻，青口同吞拿魚各有3粒，以starter黎講都幾多，吞拿魚輕煎過，表面香口裡面食到生生地既鮮味，點埋旁邊既柚子汁幾醒胃，而沙律主要係芹菜絲, 好爽口但Vi麻麻地中意芹菜~
餐湯點左風乾牛肉，洋薏米忌廉湯，呢個湯好特別，加左洋薏米，好有咬口而且風乾牛肉咸咸地，好夾個忌廉湯，好中意d洋薏米，煙煙韌韌咁，唔似得平時既忌廉湯咁單調~
Entree揀左法式海鮮脆卷，脆卷睇落同食落都好似春卷，個皮好鬆脆，裡面食到有蝦有章魚等海鮮，味道唔錯，食到呢度已經開始飽飽地.
食完3個course, 侍應送上番石榴味既sorbet 清清味雷, 好喜歡番石榴味既清新同天然既味道~
終於食到main course, 要左M9和牛配黑毛豬火腿露荀卷, 以為有咁多道菜，main course就會細份d, 點知一樣份量十足, 和牛要左medium rare, 熟度剛剛好，見到粉嫩既顏色，和牛食落口感一流，好軟嫩而且juicy, 肉味濃郁，點少少玫瑰鹽，真係好好食! 食到停唔到口，雖然好飽但都一定食哂佢xdxd旁邊既黑毛豬火腿露荀卷就比較遜色，味道太咸~配菜特別地用左蘿蔔蓉, 無平時既薯蓉咁滯~
黎到呢度已經飽到100%，但甜品係第2個胃既xd食甜品前侍應送上花茶一杯解滯，係個貼心既安排。
呢款creme brulee唔同平時會燒過，而係好似日式布丁咁，燉蛋好結實，奶味好濃，表面有點焦糖醬，整體有點太甜，份量亦唔細，Vi都食唔哂~整體今餐好有驚喜，各樣菜色都有創意有特色，賣相亦吸引，有酒店級水準，最令人回味係塊M9和牛，朋友同Vi都覺得好好食! 以質素黎講都幾抵食~ 有機會會再同其他朋友再黎!
張貼
