娜吧

營業中

休息中

炮台山站既橫巷有間裝修別具特色，以飛機為主題既家庭酒吧—娜吧每次返完工，想放鬆下個人，沉醉下係酒精世界入面既時候都會想黎喱度。娜吧同其他酒吧唔同，因為家庭式經營，所以佢既老闆同老闆娘都好在意客人既感受，啲位好無坐，新入既手工啤喜唔喜歡，同你傾下裝飾呀，環境呀好多好多水吹，仲可以同班年輕人打成一片。酒吧多數既係附近啲酒店外籍客，仲有好多好似我喱啲上班一族咁，放左工去飲杯野吹下水。咁當然啦，除左人情味同環境，一間酒吧最重要係佢既酒同小食，小食方面有種手打雞肉丸同牛仔骨真係每次黎都必點，係我人生中食過最好食既雞肉丸，沒有之一。酒類既，因為小弟每次飲既都係生啤唔能夠多加評論，但眼見老闆娘每次都會主動提供兩款nuts 同蝦片你食，仲周不時會好慷慨咁請啲客飲芝華士，威士忌之類既...剩係離遠都聞到個種醇香...其實如果對依方面有要求既人其實都可以去試下，真係唔錯。要講既係咁多，畢竟靚女老闆娘既熱情實在值得係依個平台上得到多點讚許，希望各位都多多支持依間有酒店級數，令你賓至如歸既平民家庭式酒吧。