辣蟹莊 (已結業)

一班朋友聚舊，黎左辣蟹莊食飯，地方都算大同位置都幾多，唔洗等位就有得食。叫左白灼蝦、蟹粥、金沙骨、椒鹽鮮魷同埋蒜蓉蒸聖子等等既菜式。逐個講下味道，白灼蝦好大隻好鮮甜，如果2-6人就可以選擇88一碟白灼蝦，分量都幾多幾抵食。蟹粥既粥底幾綿，蟹唔算好多肉，無咩膏，一鍋都足夠分六細碗黎食。金沙骨就好香脆，唔硬好易咬開，推薦可以試下。椒鹽鮮魷炸粉唔算好厚，魷魚都幾爽脆。蒜蓉蒸聖子就略嫌蒸得太硬同埋唔夠入味。上菜都要等一段時間先有得食，見d職員都好忙下，所以如果好急要食飯就未必好適合。整體黎講都還可以，一班人食比較適合。另外餐廳仲有得食打邊爐，不過今次就無食，食左小菜，大家有機會都可以試埋打邊爐。