影片
更多
2021-07-31
127 瀏覽
私房菜就聽得多，喺酒樓食私房菜真係第一次！ 之前都試過喺「 御名軒 」同屋企人飲茶，覺得佢嘅點心小菜質素都不錯，所以對於今次私房菜都好期待😌私房菜套餐每位$688 ，由前菜到甜品總共八道菜，價錢雖然唔平，但見有魚翅同鮑魚等較矜貴食材，所以尚算合理👍🏻《 餐前三小碟 》先來個前菜三小碟，賣相精緻😳 胡麻茄子好爽口；避風塘豆腐粒就香脆惹味；而最特別就係脆皮手撕雞包蜜瓜，好似中式版嘅巴馬火腿配蜜瓜，估唔到又幾夾😋《 冬蟲草螺頭燉竹絲雞 》一打開燉盅已經被佢嘅香氣吸引🤤 經慢火燉煮出黎嘅湯滴滴精華，每一啖都可以飲到濃郁嘅雞肉味同螺頭嘅鮮甜味😋 加入咗冬蟲草仲有滋補嘅功效😍 《 菜膽燉大排翅 》份量滿滿嘅爽口大排翅，用上湯熬製，湯頭充滿骨膠原😋 完全品嚐到店家用料毫不吝嗇，食到一梳梳嘅魚翅！食嘅時候加入浙醋風味更佳🤤《 魚露乾煸南非鮑魚 》將原隻鮑魚切粒，方便食客唔洗慢慢切呢個做法好細心🥰 鮑魚肉口感彈牙，魚露醬汁提鮮之餘亦唔會太咸👍🏻 配搭埋翠玉瓜同三色椒碎，擺盤好有心思😍《 芝士蛋白炒蝦球 》芝士炒蛋白，再配上爽甜彈牙嘅蝦仁🍤，看似簡單嘅菜式要做到好食好考師傅嘅功夫👍🏻 蛋白滑溜唔鞋口，仲有
私房菜套餐每位$688 ，由前菜到甜品總共八道菜，價錢雖然唔平，但見有魚翅同鮑魚等較矜貴食材，所以尚算合理👍🏻
《 餐前三小碟 》
先來個前菜三小碟，賣相精緻😳 胡麻茄子好爽口；避風塘豆腐粒就香脆惹味；而最特別就係脆皮手撕雞包蜜瓜，好似中式版嘅巴馬火腿配蜜瓜，估唔到又幾夾😋
《 冬蟲草螺頭燉竹絲雞 》
一打開燉盅已經被佢嘅香氣吸引🤤 經慢火燉煮出黎嘅湯滴滴精華，每一啖都可以飲到濃郁嘅雞肉味同螺頭嘅鮮甜味😋 加入咗冬蟲草仲有滋補嘅功效😍
《 菜膽燉大排翅 》
份量滿滿嘅爽口大排翅，用上湯熬製，湯頭充滿骨膠原😋 完全品嚐到店家用料毫不吝嗇，食到一梳梳嘅魚翅！
食嘅時候加入浙醋風味更佳🤤
《 魚露乾煸南非鮑魚 》
將原隻鮑魚切粒，方便食客唔洗慢慢切呢個做法好細心🥰 鮑魚肉口感彈牙，魚露醬汁提鮮之餘亦唔會太咸👍🏻 配搭埋翠玉瓜同三色
椒碎，擺盤好有心思😍
《 芝士蛋白炒蝦球 》
芝士炒蛋白，再配上爽甜彈牙嘅蝦仁🍤，看似簡單嘅菜式要做到好食好考師傅嘅功夫👍🏻 蛋白滑溜唔鞋口，仲有黃色紫色嘅椰菜花作點綴🥦
《 鮮蟹肉扒露荀🦀 》
食完幾味較濃味嘅菜式，黎返個清淡啲嘅露荀中和返😋 蟹肉芡非常足料，食到啖啖蟹肉絲👍🏻 露荀煮得啱啱好唔會太淋，清甜爽脆😙
《 香草燴美國牛肋條 》
牛肋條嘅肉完全吸收晒醬汁🤤 肉質軟綿綿，仲有好濃郁嘅牛味😋 熟嘅程度剛好，唔會過老👍🏻
《 酒香藥膳蒸滑雞 》
黎到最後一道主菜，一打開竹蓋就聞到好清香嘅藥膳味👍🏻 雞嘅份量雖然唔係好多，不過食到呢度其實已經好飽😹 藥膳雞底係糯米飯，吸收晒雞件、藥材同酒嘅精華，甘甘甜甜，仲有陣荷葉香😋
《 小甜品 》
好頭好尾，甜品都係以三小碟嘅形式上菜🍡 有芝麻綠豆糕、麥皮凍糕同炸脆片 🤤 最令人驚喜一定係「 芝麻綠豆糕 」！ 上半層芝麻糕，中間夾雜清甜嘅綠豆，而下半層就係香甜嘅椰汁糕😍 好耐冇食過咁濃稠嘅芝麻糕，滿滿嘅芝麻渣，係好突出嘅芝麻味！ 真係好出色，所以特意外賣一盒比芝麻控屋企人☺️ 😂
總括而言，哩度除左食物有質素，店員服務態度亦好好，中途不停為我哋斟茶加水，唔似平時係茶樓成日叫極都冇人應🥲 雖然價錢略貴，但遇到要特別慶祝嘅節日都值得黎一試👍🏻
張貼
