小城知味 (德福廣場1期)

營業中

休息中

九灣真係好小去，去到更加唔會留喺度食果d工廠式食市，今晚俾人格梗留喺呢度搵食，本身已經唔係好Happy ，仲要俾我遇著間咁嘅超垃圾小菜店！菜單選擇小得可憐，設計只想局你食Sit！豪無選擇下揀咗個西蘭花炒蝦球同口水雞，個西蘭花一嚟就睇得出佢夠膽死係成碟白灼，d西蘭花同蝦球淡到想嘔！鹽都唔多粒，食淨見到隻碟油都冇滴，堅做得出果吓好嘢！另一味湯渣口水雞鞋過鞋踭，更加唔駛講有冇雞味！但講收錢一d都唔執輸，口水雞$108，西蘭花蝦球$78！全部單價唔係餐，連加一埋單二百幾蚊食垃圾！