樂天客棧 (已結業)

好少係奧海城食野架 今次朋友生日 為左佢 獻出我既第一次啦 生日飯都係食中餐好 可以坐耐d同埋可以傾計呢間中菜叫樂天客棧 menu同一般酒樓中菜唔一樣我地都叫左d特色野 佢既招牌菜都有幾多下冰鎮苦瓜 上盤好有心機 切得好薄 好靚凍凍地咁食 非常解渴 苦瓜又新鮮青芥末蝦球 用芥末煮蝦都係第一次但出奇地夾 好爽既蝦肉 加上特調芥末醬 蝦既鮮味出哂黎咖啡脆雞 成日食可樂雞翼 但原來仲可以用咖啡煮野 其實咖啡味唔出 但雞炸得好香口 又滑 所以我懷疑係因為落左咖啡會脆d 同埋出左隻色三杯鴕鳥肉 呢個好好味 煮得岩岩好 同埋好新奇 原來鴕鳥肉係咁既😁招牌扣肉包 朋友真係好鍾意食肥野 次次都要叫燒肉之類 一上盤明顯見到肥瘦分明見佢食到唔講野咁 一定好好味啦😂😂整體食物都好好 服務又正 其他炒菜都唔錯上菜又快 又唔算貴 可以食多幾次啦 又一食堂