德聲海鮮酒家 (已結業)

親戚樓下酒樓新開張，雖然係屋村酒樓，但見好多人排隊，又去試下。估唔到，內裡裝修都幾靚，環境端莊企理，枱枱爆滿。意外地，野食外貌同味道都唔錯，都幾大件夾抵食，仲要有泊車優惠，滿$200可以享有兩小時免泊優惠，其他酒樓都好少會有呢啲優惠，總括黎講，屋企人都幾滿意，因為真係好平，5個人叫左6樣餸，平均人頭消費都係$120咋。但不知道係咪新開張關係，上菜有少許混亂，呢點有進步空間的，但整體黎講都唔錯，可以再來一試其他菜式。