八方庭

營業中

休息中

今日同朋友過嚟屯門呢間茶樓食飯聚會，呢間茶樓嘅食物一向有水準，今日我哋就嚟呢度食啲比較特別嘅菜。椒鹽九肚魚（美味指數🐟🐟🐟🐟🐟）九肚魚炸得非常靚，外皮脆漿炸得金黃又香脆，九肚魚肉又嫩又滑，香脆嘅外皮同柔軟嘅魚肉形成好大對比，口感一流，再加上鹹鹹辣辣椒鹽，味道一絕。脆米焗中蝦（美味指數🦐🦐🦐🦐）脆米係炒飯然後再整到D米一粒粒又香又脆，蝦🦐有成十幾隻，就算焗熟咗都非常鮮甜，道菜非常特別。荔芋油鴨煲（美味指數🪿🪿🪿🪿🪿）呢個荔芋油鴨煲入邊有芋頭，南瓜和油鴨，芋頭住得非常腍，入口軟綿溶化，有好濃郁嘅鹹香芋頭味，油鴨味道鹹香，而且鴨肉非常鮮嫩好有鴨香味，芋頭泥黏附喺油鴨表面，令鴨肉嘅味道跟鮮甜。私房欖角骨（美味指數🐖🐖🐖🐖🐖）欖角骨真係非常非常好味😋，呢個菜已經唔係度度都有人識煮，欖角鹹香味十足，排骨炸到香脆，油脂同肉汁鎖晒喺肉入邊條，又脆又柔軟嘅口感加上陣陣嘅豬肉香味，就咁食已經好好味。欖角切到碎粒再灑喺排骨上面，更有風味。