影片
更多
2009-04-10
見雜誌推介過，而且佢前身嘅Cafe又好評，在小公主想試及提議之下，我地今日喺walk-in嘅情況下，就入去試了。餐廳係位於灣仔合和中心斜對面商業大廈嘅一樓，有扶手電梯直達，又或者地下有個lift lobby，有埋menu比你睇，搭lift上去亦得。去到，waitress係講英文嘅，但係又識少少中文，應該係南亞裔人士，不過入面係有本地人 serve你嘅。我地係1830walk-in嘅，預先冇訂枱，waitress問我地可以2000交枱得嘛? 我地當然冇問題，問題在於佢可唔可以準時上到菜比我地食完走。最後佢都可以比到枱我地，不過真的細得可憐，你同對方甚至乎可以伸長條頸，錫住對方咁食飯，你話你sweet呢......言歸正轉，但係觀乎全場，張張枱都係咁細，而且枱與枱之間空間有限，冇咩privacy可言。佢地亦都冇餐巾提供，都唔知想做咩級數，大家可想而知。我地睇佢地嘅set，覺得common咗啲，而且小公主預先睇過人地嘅食評都推介一啲set入面冇嘅菜式，咁就唯有a la carte了。我地叫咗salad, soup, 意大利菜嘅主打 risotto & pasta, 再加一個dessert。
餐廳係位於灣仔合和中心斜對面商業大廈嘅一樓，有扶手電梯直達，又或者地下有個lift lobby，有埋menu比你睇，搭lift上去亦得。去到，waitress係講英文嘅，但係又識少少中文，應該係南亞裔人士，不過入面係有本地人 serve你嘅。我地係1830walk-in嘅，預先冇訂枱，waitress問我地可以2000交枱得嘛? 我地當然冇問題，問題在於佢可唔可以準時上到菜比我地食完走。最後佢都可以比到枱我地，不過真的細得可憐，你同對方甚至乎可以伸長條頸，錫住對方咁食飯，你話你sweet呢......言歸正轉，但係觀乎全場，張張枱都係咁細，而且枱與枱之間空間有限，冇咩privacy可言。佢地亦都冇餐巾提供，都唔知想做咩級數，大家可想而知。
我地睇佢地嘅set，覺得common咗啲，而且小公主預先睇過人地嘅食評都推介一啲set入面冇嘅菜式，咁就唯有a la carte了。
我地叫咗salad, soup, 意大利菜嘅主打 risotto & pasta, 再加一個dessert。
1. Bread - 唔係掛，唔通因為個湯已經跟埋件法包，所以我地兩個人佢只係比半舊麵包就算??? 幾樣衰呀，唔使咁慳嘛，而且麵包半身一啲水份都冇，乾淨淨，唔好食。
2. French Onion Soup 法式洋蔥湯 - 待應真係好唔專業，之前已經問咗係我要湯，佢竟然唔識睇spoon嘅擺位上菜，都唔用腦嘅，態度仲要........之後啲Margarine上仲搞笑，watiress見冇位，索性問都唔問，竟然擺咗喺我地嘅碟上面，真係唔知好嬲定好笑。講返正題，啲洋蔥絲切到好幼，但係煮得太淋，冇咩咬口，不過湯味極濃，好飲的。嗰塊法國包唔吃也罷，又乾，上面仲要唔知點解就咁洒上芝士粉，幾搞笑。
3. Italian Parma Ham Caesar Salad 意大利帕爾馬火腿凱撒沙律 - 首先隻碟係崩咗幾個位，咁肉酸，好心就換咗佢啦，可能真係呢個價錢，所以就呢種貨式啦，都唔明佢地想點。食物方面，Caesar已經濃味，見餐牌見幾得意嘅配搭咪試吓囉，點知咪又賴嘢囉，啲Parma Ham同Caesar啲味互搶，芝士亦唔係落一片片的，竟然係用粒條狀，真係奇型怪狀，蔬菜亦係會用上菜頭，好cheap呢...
4. Linguini with Fresh Shrimps, Italian Baby Clam Meat, Bacon, & Mushroom in Pesto Sauce 欖油蒜片鮮蝦, 意大利BB蜆肉，煙肉，野菌青醬炒扁意粉 - 主菜就有返啲睇頭，意粉煮到啱啱好，外面仍爽，內裡透心，用料新鮮，煮意粉最好就係切到啲材料細細粒，咁每一淡只可以有機會撈埋啲意粉一齊入口，每一淡都咁豐富，佢就做到呢種效果，將啲磨菇, bacon, 蜆肉切到細細粒，啲味完全出哂嚟，蝦亦都新鮮，爽滑 ; 我最欣賞就係個汁，佢竟然可以做到落欖油嘅份量冇多冇少，啱啱夠上哂啲意粉，碟底係冇多餘油份，所以完全唔會感覺油膩，食多一碟都可以。
5. Wild Mushroom & Italian Cuttlefish Ink Risotto with Fresh Shrimps & South Australian Scallops (2 Pieces) 野菌意大利墨魚汁意大利飯伴鮮蝦及香煎南澳帶子(2隻) - 相反地，呢個意大利飯就好膩了，但係佢真係煮得好香，唔會水汪汪，因為本人最怕見到好似泡飯咁嘅Risotto。用料雖好，但係就全部用油煎過，加埋啲飯，會拎你覺得好滯，好難食得多，不過你會覺得用呢個價錢食真係抵。
6. Hot Chocolate Pudding with French Vanilla Ice Cream 心太軟伴雲厘娜雪糕球 - 應該係佢地嘅招牌甜品，可能希望愈大........佢地嘅chocolate cake好熱，一切開，入面嘅chocolate syrup suppose會漏出嚟，但係今次冇，唔係佢入面唔夠熱唔夠溶，而係syrup嘅份量少 ; 再者，雪糕就太凍，硬到淨啲分唔開，仲要凍到牙都震，雖然已經夾埋啲熱辣辣嘅chocolate cake一齊食。
Comments: (4/5) 人均消費$170。環境實在太嘈，氣氛同情調都欠奉，待應都唔專業，但係兩個主菜為佢地淨回不少分數，所以如果喺灣仔區嚟講，我都會有機會再幫襯，因為以呢個價錢，呢個份量，第二區都幾難搵到。
張貼
