酒鍋 (V Point) (已結業)

新年將近，今次同朋友黎到銅鑼灣呢間酒鍋，決定黎個不醉無歸！嘻嘻嘻～開始食前，先自製自己喜歡的醬料，醬料款式多！先叫這個運財四寶鍋，聽個鍋名就好有新年氣氛又好意頭。個鍋分左四格湯底，分別係花雕醉雞、辣酒煮花螺、啤酒魚同清酒煮蜆！一次過可以品嚐四種不同口味的酒湯底，真不愧是酒鍋！淨係呢個鍋入面的材料都非常豐富，湯底鮮甜得黎帶有酒香！先係花雕醉雞，雞啖啖肉，而且好滑充滿酒味！啤酒魚，先將原條魚炸至香脆可口再放入鍋煮，所以魚肉嫩滑帶有啤酒的甘苦味。清酒煮蜆，湯底好清帶有清酒的味道，特出到蜆肉鮮甜肥美。最後係我最喜歡的辣酒煮花螺，辣得黎帶麻，而且帶微微酒香，味道夠刺激，花螺夠大隻又爽口彈牙！以上四款湯底都好夠味，不用蘸任何醬汁！一個鍋又點夠食，當然還叫了其他配料，唔好浪費咁正的湯底！先有頂級安格斯牛頸脊，牛肉新鮮，脂肪分佈平均，肉質嫩滑，而且將牛肉放在架上，特別得黎又容易拎！賣相特別的七星報喜，一字排開7粒不同顏色不同味道的手打丸，幾有驚喜。應節的金銀滿屋，飽滿大粒又足料的雲吞，咬落好juices，上面還放了一粒鮑魚仔添，真係有睇頭！夠晒新年feel的包羅萬有福袋，內有鮑魚、瑤柱、魚翅、海參的作